دۇنيەجۇزىلىك مۇحيتتا 2050-جىلعا دەيىن بىردە- ءبىر بالىق قالمايدى
ب ۇ ۇ اۋىل شارۋاشىلىق جانە ازىق- تۇلىك ۇيىمىنىڭ (FAO) دەرەكتەرىنە سايكەس، تەڭىز بالىق اۋلاۋ كاسىپشىلىگىنىڭ 90 پايىزى مەڭگەرىلگەن. ونىڭ الپىس پايىزى بەلسەندى قولدانىلىپ جاتسا، قور مەن تاعى 30 پايىزى سارقىلۋعا تاياۋ. ءبىراق ماسەلە مۇنىمەن اياقتالمايدى، ەگەر ادامدار بۇل ءىسىن جالعاستىرا بەرسە، 30 جىلدان كەيىن بىردە- ءبىر بالىق قالماۋى مۇمكىن.
ب ۇ ۇ ورتاشا بولجامى بويىنشا، 2050 -جىلعا قاراي جەر حالقىنىڭ سانى ۇشتەن ءبىر بولىككە - 9 ميلليارد ادامعا دەيىن ارتادى جانە ازىق- تۇلىك جەتىسپەيتىن بولادى. قازىر اۋىل شارۋاشىلىعى قاجەتتىلىگىنە جەردىڭ 50 پايىزى پايدالانىلۋدا جانە وسىمدىكتەر بەلسەندى ءوسۋى مۇمكىن. جەردى شامادان تىس پايدالانعاننان توپىراقتار قۇنارسىزدانا باستايدى. وعان قوسا، تىڭايتقىشتاردىڭ كوپتىگىنەن بەتكى سۋلار (كولدەر، وزەندەر، باتپاقتار) لاستانادى. ال ازىق- تۇلىكتى ءوندىرۋ جانە تاسىمالداۋ كليماتتىڭ وزگەرۋىنە اكەپ سوعاتىن بارلىق انتروپوگەندىك پارنيكتىك گاز قالدىقتارىنىڭ 30 پايىزىن قۇرايدى. الەمنىڭ ءتۇرلى ەلدەرىندە WWF ۇيىمداستىراتىن بيىلعى جەر ساعاتى ادامزاتتىڭ تابيعاتقا جاۋاپتى قاراۋ تاقىرىبىنا ارنالادى. ول 25 - ناۋرىز كۇنى 20:30-دا باستالادى. ۇيىم عالامشار بولاشاعىنا بەي- جاي قارامايتىن قاتىسۋشىلاردى 1 ساعاتقا جارىقتى، تۇرمىستىق ەلەكتر قۇرىلعىلارىن سوندىرۋگە شاقىرادى.
