بۇگىنگە دەيىن 204 قازاقستاندىققا برازيلياعا بارۋعا رۇقساتناما بەرىلدى
برازيليا فەدەراتيۆتىك رەسپۋبليكاسىنىڭ استانا قالاسىندا ورنالاسقان كونسۋلدىق بولىمىنە رۇقساتناما الۋ بويىنشا كۇنى بۇگىنگە دەيىن 247 ءوتىنىم كەلىپ تۇسكەن. بۇل تۋرالى بۇگىن برازيليانىڭ قازاقستانداعى ەلشىلىگىنىڭ كونسۋلدىق بولىمىنەن حابارلادى. ءوتىنىم بەرگەندەردىڭ ءبىرى - تۇركىمەنستان ازاماتى، ال 19 ى - قىرعىزستان ازاماتى. قالعاندارى - قازاقستاندىقتار.
«بۇل سوڭعى سان ەمەس» ، - دەيدى كونسۋلدىق بولىمدەگىلەر. - «برازيلياعا بارعىسى كەلەتىندەر سانى كۇن ساناپ ارتىپ كەلەدى».
تۋريستەر فۋتبولدان الەم بىرىنشىلىگىنە بارۋ ءۇشىن رۇقساتناما الۋ بويىنشا وتىنىمدەرىن ۇستىمىزدەگى جىلدىڭ ءساۋىر ايىندا باستاعان. ەلشىلىك سول ءساۋىر ايىنان كۇنى بۇگىنگە دەيىن بارلىعى 204 رۇقساتناما بەرىپ ۇلگەرگەن. ولاردىڭ 72 سى - ماتچتاردىڭ بيلەتتەرىنىڭ سەرتيفيكاتتارى بويىنشا الىنعان. ياعني مۇنداي جاعدايدا كونسۋلدىق الىم تولەنبەيدى.
قازىر برازيلياعا بارعىسى كەلەتىن تۋريستەردىڭ كوپتىگىنە بايلانىستى رۇقساتناما الۋ ۋاقىتى قىسقارتىلدى. ياعني ونى 2-3 جۇمىس كۇنى ىشىندە الۋعا بولادى. ال شۇعىل جاعدايدا رۇقساتناما ءبىر كۇننىڭ ىشىندە بەرىلەدى. ول ءۇشىن ءتيىستى قۇجاتتاردىڭ بارلىعى بولۋى شارت.
سونىمەن، تۋريستىك رۇقساتناما العىسى كەلەتىندەر مىنا تومەندەگىدەي قۇجاتتاردى تاپسىرۋلارى ءتيىس:
- ءتولقۇجاتتىڭ ءتۇپنۇسقاسى (ءتولقۇجات مەرزىمىنىڭ اياقتالۋعا دەيىنگى ۋاقىتى 6 ايدان كەم بولماۋى ءتيىس) . سونىمەن قاتار ءتولقۇجاتتىڭ كەم دەگەندە ەكى تازا پاراعى بولۋى شارت.
- اق ءتۇستى كورىنىستىڭ اياسىندا تۇسىرىلگەن فوتوسۋرەت. كولەمى 3,5 х 4,5 см س م، بولۋى كەرەك.
- اعىلشىن تىلىندە جازىلعان جانە قول قويىلعان رۇقساتنامالىق ساۋالنامانىڭ جىبەرىلگەنىن راستاۋ.
- بارۋ جانە كەلۋ بيلەتىنىڭ برونى (اۋە جەلىسىندە قىزمەت ىستەيتىندەر ءۇشىن، قوسىمشا قىزمەتتىك كۋالىكتىڭ فوتوكوشىرمەسى) . ەلشىلىك رۇقساتنامانى بەرۋدى ماقۇلداعان سوڭ، ساتىپ الىنعان بيلەتتى كورسەتۋدى تالاپ ەتۋگە قۇقىلى (ءتۇپنۇسقاسىن نەمەسە ەلەكتروندى بيلەتتى) .
- پورتۋگال نەمەسە اعىلشىن تىلىندە قوناق ءۇي برونىنىنىڭ نەمەسە شاقىرتۋ حاتىنىڭ كوشىرەمەسى (كومپانيا بولسا، فيرمالىق بلانكپەن جازىلعان) . وندا شاقىرتۋشىنىڭ مەكەن- جايى، بايلانىس تەلەفونى. شاقىرۋداعى ماقساتى جانە شاقىرعان قوناعى ءۇشىن جاۋاپ بەرەتىندىگى ناقتى كورسەتىلۋى ءتيىس.
- تولەم قابىلەتتىلىگى تۋرالى انىقتاما (بانكتىڭ نەمەسە جۇمىس ورنىنىڭ انىقتاماسى. جانىندا اعىلشىن نەمەسە پورتۋگال تىلىنە اۋدارىلعان كوشىرمەسى بولۋى كەرەك) .
- كونسۋلدىق الىمدى تولەگەنى تۋرالى تۇبىرتەك (4000 تەڭگە) . قانداي جاعداي بولماسىن، كونسۋلدىق الىم كەرى قايتارىلمايدى. ەگەر فۋتبولدان الەم بىرىنشىلىگىنىڭ ماتچتارىنىڭ بيلەتتەرى نەمەسە بيلەتتەردىڭ سەرتيفيكاتتارى ۇسىنىلعان جاعدايدا كونسۋلدىق الىم تولەنبەيدى.
- 18 جاسقا دەيىنگى ازاماتتار ءۇشىن نوتاريۋس بەكىتكەن كوشىرمەسىمەن قوسا تۋۋ تۋرالى كۋالىكتىڭ كوشىرمەسى.
- برازيلياعا اتا- اناسىنسىز نەمەسە قامقورشىسىنسىز بارا جاتقان 18 جاسقا دەيىنگى تۇلعالار وزدەرىمەن بىرگە بارمايتىن اتا- اناسى نەمەسە قامقورشىسىنىڭ كەلىسىمى تۋرالى نوتاريۋس ارقىلى بەكىتىلگەن قۇجات.
- سپورتتىق بايقاۋلار نەمەسە مادەني شارالارعا قاتىسۋشىلار ءۇشىن دەمەۋشىلەر/ۇيىمداستىرۋشىلار تاراپىنان اتالمىش شارا جانە ساپار جونىندەگى حاتتىڭ كوشىرمەسى.
برازيليا ەلشىلىگىنىڭ كونسۋلدىق ءبولىمى قاجەت بولعان جاعدايدا قوسىمشا قۇجاتتار تالاپ ەتۋگە قۇقىلى.
ءۇش ايلىقتان التى جاسقا دەيىنگى بالالار ءۇشىن پوليوميەليتكە قارسى ەگۋ جاسالعاندىعى تۋرالى جەرگىلىكتى ەمحانانىڭ قۇجاتى نەمەسە تەراپيەۆتىڭ حاتىمەن راستالعان انىقتاما مىندەتتى تۇردە قاجەت.
ەگەر برازيلياعا بارۋشىلار اكري، اماپا، امازوناس، گوياس، مارانياۋ، ماتۋ گروسسۋ، ماتۋ گروسسۋ دۋ سۋل، پارا، روندونيا، رورايما شتاتتارىن، سونداي- اق فەدەرالدى وكرۋگتى ارالايتىن بولسا سارى بەزگەككە قارسى ەگۋ جاساۋلارى ءتيىس.
برازيلياعا بارۋعا ارنالعان رۇقساتناما بەرىلگەن كۇنىنەن باستاپ 90 كۇنگە دەيىن زاڭدىق كۇشكە يە. برازيليا شەكاراسىن العاشقى رەت باسىپ ءوتۋ جاعدايى مىندەتتى تۇردە تىركەلۋى كەرەك.
90 كۇننەن ارتىق مەرزىمگە قالعىسى كەلەتىندەر رۇقساتناما اياقتالعانعا دەيىن 30 كۇن ىشىندە برازيليانىڭ فەدەراتيۆتىك پوليتسياسىنا جۇگىنۋلەرى قاجەت بولادى.
ەگەر قۇجاتتار ءۇشىنشى تۇلعا ارقىلى بەرىلەتىن بولسا، وندا نوتاريۋس بەكىتكەن سەنىمحات كەرەك.
ايتا كەتەيىك، قۇجاتتاردى پوشتا ارقىلى جىبەرۋ جانە الۋ شىعىندارىن قۇجات ۇسىنۋشىلار وزدەرى تولەيدى.
اۆتور: جاپپاربەرگەن ايبوتا
