ا ق ش- تا 2048 -جىلدان كەلدىم دەگەن «ۋاقىت ساياحاتشىسى» تۇتقىندالدى - كەسكىن
27 جاستاعى برايانت دجونسون پوليتسياعا قوڭىراۋ شالىپ، ماڭىزدى مالىمەتتەر بىلەتىنىن جانە مىندەتتى تۇردە پرەزيدەنتپەن تىلدەسۋى كەرەكتىگىن حابارلاعان. ال كەلىپ جەتكەن پوليتسەيلەرگە ءوزىن 2048 -جىلدان كەلگەن «ۋاقىت ساياحاتشىسى» ەكەنىن ايتقان. ەر ادامنىڭ ايتۋىنشا، بوگدەعالامشارلىقتار جەرگە 2018 -جىلى كەلەدى، سوندىقتان قالا تۇرعىندارىن قاۋىپسىز جەرگە كوشىرۋ كەرەك. ول ءتىپتى بولاشاقتان قالاي كەلە العانىن سيپاتتاعان: بوگدەعالامشارلىقتار ونى ىشىمدىككە تويدىرىپ، ۇلكەن الاڭعا شىعارادى دا، ول سول جەردەن تەلەپورتاتسيا جاساعان- مىس.
پوليتسەيلەر ەر ادامنىڭ سوزىنە سەنبەگەن جانە ودان ىشىمدىك ءيىسى اڭقىپ تۇرعاندىقتان اۋرۋحاناعا جەتكىزۋدى ۇيعارعان. دەگەنمەن ەر ادام بۇعان قارسىلىق كورسەتكەن. ساراپتاما قورىتىندىسى ەر ادامنىڭ قانىندا 0,13 پايىز الكوگولدىڭ بارىن كورسەتكەن. ەر ادام قوعامدىق ورىندا ماس كۇيدە جۇرگەنى ءۇشىن تۇتقىندالىپ، اباقتىعا قامالدى.
