اقىرزامان 2041 - جىلدىڭ 35 - ناۋرىزىندا بولادى

استانا. قازاقپارات - CNN كورەرمەندەرىنىڭ پىكىرتالاس الاڭى - ireport.cnn.com سايتىندا بەلگىسىز بىرەۋ «2041 - جىلدىڭ 35 - ناۋرىزىندا جەرگە ۇلكەندىگى مانحەتتەندەي بولاتىن استەرويد سوعىپ، بار تىرشىلىك جويىلىپ كەتەدى» دەگەن حابارلاما تاستاپ كەتكەن ەكەن.

قىزىعى سول: بۇل حابارلاما تاۋلىك ىشىندە 200 مىڭ رەت قارالىپ، كوپتەگەن وقىرمانداردىڭ مازاسىزدىعىن تۋدىرعان.

قوبالجۋلى وقىرماندار CNN-گە حابارلاسىپ، بۇل حابارلاما بويىنشا تۇسىنىكتەمە بەرۋدى سۇراعان. CNN ءوز تاراپىنان بۇل حابارلاما جونىنەن NASA-عا سۇراۋ سالىپ، الىپ-قاشپا اڭگىمەنى تەرىسكە شىعارعان. وقيعا قورىتىندىسى بويىنشا وسى حابارلامانى تاستاپ كەتكەن Marcus 575 اتتى نيك سايتتان جويىلعان.

ءبىر قىزىعى دەيدى باسىلىم، كورىنەۋ جاڭساق «35-ناۋرىز» دەگەن داتاعا ەشكىم ءمان بەرمەپتى. 

Aynaline