عالىمدار 2040 -جىلعا قاراي ءومىر ءسۇرۋ ۇزاقتىعىنىڭ قىسقاراتىنىن بولجادى

استانا. قازاقپارات - ورتاشا ءومىر ءسۇرۋ ۇزاقتىعى وسى عاسىردىڭ ورتا تۇسىندا ا ي ۆ ينفەكسياسى، سەمىرۋ، ديابەت جانە اۋانىڭ لاستانۋى سالدارىنان ايتارلىقتاي تومەندەۋى مۇمكىن. بۇل تۋرالى Lancet جۋرنالىندا جاريالانعان ماقالادا ايتىلعان، دەپ حابارلايدى قازاقپارات.

«بولاشاقتا اسا كۇردەلى ماسەلە تۋىنداۋى مۇمكىن - تەحنيكالىق پروگرەسس دامىعان الەمنىڭ دەنساۋلىق كورسەتكىشى ناشارلايدى» - دەلىنگەن ماقالادا.

ادامزات تاريحىندا عىلىم مەن مەديتسينا دامىپ، ءومىر ءسۇرۋ ۇزاقتىعى دا وسكەن ەدى. قازىرگى تاڭدا ادامدار 60 جاستان اسا ءومىر ءسۇرىپ جاتىر. ال، دامىعان ەلدەردە بۇل كورسەتكىش 80 جاستى قۇرايدى.

زەرتتەۋگە سايكەس، ا ق ش 2040 -جىلى ۇزاق ءومىر سۇرەتىن ەلدەر تىزىمىندە 44-تەن 46-شى ورىنعا ءتۇسۋى مۇمكىن. ءبىرىنشى ورىنعا يسپانيا شىعىپ، قازىرگى كوشباسشى جاپونيا ەكىنشى ورىنعا سىرعيدى.

بۇل وزگەرىس ا ي ۆ مەن السگەيمەر، ديابەت، بۇيرەك قىزمەتىنىڭ بۇزىلۋى اۋرۋلارى سالدارىنان تۋىندايدى.