09:46, 07 - مامىر 2015 | GMT +5
عالىمدار بولجامى: 2040 -جىلعى جازعا قاراي اركتيكا مۇزداردان ارىلۋى ىقتيمال
استانا. قازاقپارات - سولتۇستىك مۇزدى مۇحيت 2040 -جىلعا قاراي جازعى كەزەڭدە مۇز قاباتىنان تولىق بوساۋى مۇمكىن.
ۆاشينگتوننىڭ «دەيلي كوللەر» جەلىلىك باسىلىمىنىڭ حابارلاۋىنشا، بۇل بولجامدى ا ق ش- تىڭ مۇحيت جانە اتموسفەرانى زەرتتەۋ بويىنشا ۇلتتىق باسقارماسىنىڭ ماماندارى جاساعان.
ولاردىڭ اقپاراتىنشا، وتكەن قىستا اركتيكادا سپۋتنيكتەر ارقىلى باقىلاۋ جاسالعان بارلىق جىلدارمەن سالىستىرعاندا مۇز از بولعان.
«تاياۋداعى بىرنەشە زەرتتەۋلەرگە» سىلتەمە جاساعان باسىلىم 6-7 مىڭ جىل بۇرىن عالامشاردىڭ قيىر سولتۇستىگىندە كەي كەزەڭدەردە مۇزداردان ارىلعان جاعدايلار ورىن العاندىعىن جازادى.
