10:20, 28 - ماۋسىم 2014 | GMT +5
قىتايدا سالماعى 203 كەلى ناۋقاسقا وتا جاسالدى
استانا. قازاقپارات - نانجيڭدە جياڭسۋ پروۆينسياسىنىڭ 2-حالىق اۋرۋحاناسىنىڭ حيرۋرگتارى سالماعى 203 كەلى ناۋقاستىڭ اسقازانىنا ءساتتى وتا جاسادى، دەپ حابارلايدى شينحۋا.

دارىگەرلەر جاسالعان وتانىڭ ارقاسىندا ناۋقاسقا ديەتا ۇستاۋ وڭاي بولىپ، ول ارتىق سالماقتان ارىلادى دەگەن ۇمىتتە.
اتى-ءجونى ايتىلماعان ناۋقاستىڭ جاسى وتىزدا. ول مەكتەپ قابىرعاسىندا وقىپ جۇرگەن كەزىندە، ونىڭ سالماعى قۇربى-قۇرداستارىنىڭ سالماعىمەن بىردەي بولاتىن. الايدا ۇيلەنگەننەن كەيىن جاس جىگىت بىردەن تولىپ كەتكەن.
ارتىق سالماعىنا قاراماستان، ول جوعارى كالوريالى تاماقتى ۇناتادى، ونىڭ ىشىندە قۋىرىلعان كۇرىش، فاستفۋد، كاۋاپ، كەسپە بار. جانە تاماقتانعاننان كەيىن كوپ ۋاقىت وتپەي قارنى اشىپ قالادى.
جاس جىگىتتىڭ دەنساۋلىعى سوڭعى ەكى جىلدا كۇرت ناشارلاپ كەتتى. ءجۇرىپ-تۇرۋى قيىنداعان جىگىت ۇيقىشىلدىققا دا شالدىققان. ءتىپتى باعدارشامنىڭ جاسىل بەلگىسىن كۇتىپ تۇرعان كەزدە، باعاناعا سۇيەنىپ ۇيىقتاپ قالعان كەزدەرى دە بولعان.
bnews.kz