بال ارالارى 2035 -جىلعا قاراي الەمدە جويىلىپ كەتۋى ىقتيمال

استانا. قازاقپارات – 20-مامىر - حالىقارالىق ارالار كۇنى. ستاتيستيكاعا سايكەس، الەمنىڭ بارلىق ايماقتارىندا بال ارالارى قىرىلىپ جاتىر.

ارالار جەمىس اعاشتارىنىڭ، جيدەكتەردىڭ، ءداندى داقىلدار گۇلدەرىنىڭ نەگىزگى توزاڭداندىرۋشىسى بولعاندىقتان، ولار ازايسا، ادامزات تۇتىناتىن كوپتەگەن ونىمدەر دە جويىلىپ كەتۋى ىقتيمال، دەپ حابارلايدى قازاقپارات تاسس- قا سىلتەمە جاساپ.

بۇل جاندىكتەردىڭ قىرىلۋىنا نەگىزگى سەبەپ - Varroa destructor ءپارازيتى، ونىمەن كۇرەسۋ وتە قيىن. سونداي- اق ارالاردى فەرمەرلەر زيانكەستەرمەن كۇرەسۋ ءۇشىن قولداناتىن نيكوتيندى ينسەكتيتسيدتەر ولتىرەدى. بۇدان بولەك، بەي- بەرەكەت قۇرىلىس سالدارىنان ەكوجۇيەلەر بۇزىلىپ جاتىر. بۇعان جاھاندىق جىلىنۋ دا تەرىس اسەر ەتۋدە.

ارالاردىڭ جىلدىق قىرىلۋى %20 دەڭگەيىندە ساقتالسا، 2035 -جىلعا قاراي ولار تولىعىمەن جويىلىپ كەتۋى ىقتيمال. تومەندەۋدىڭ جىل سايىنعى ەڭ جوعارى كورسەتكىشى سولتۇستىك امەريكادا (%30-40)، ەۋروپادا (%30) جانە وڭتۇستىك افريكادا (%30) بايقالادى.