جاپونيانى 2035 -جىلى نە جاۋلاپ الاتىنى بەلگىلى بولدى

بۇل تۋرالى ءىرى Nomura Research Institute (NRI) IT- كومپانياسى وزدەرىنىڭ جاساعان ساراپتامالارى نەگىزىندە جاريالاپ وتىر.

وكسفورد ۋنيۆەرسيتەتىندە ءتالىم بەرەتىن مايكل وسبورن مەن NRI زەرتتەۋ ينستيتۋتىتىنىڭ ءبىر توپ مامانى 600 دەن استام ءتۇرلى ماماندىقتارعا ەرىنبەي، جالىقپاي ساراپتاما جۇرگىزىپ شىققان. وسى ارقىلى ولار قازىرگى تاڭدا ادامزات قولىمەن جاسالاتىن قىزمەت تۇرلەرىنىڭ 50 پايىزىن كومپيۋتەرلىك جۇيەگە ورنالاستىرۋعا بولاتىنىن دالەلدەي العان.

مىسالى، Henna Hotel قوناق ءۇيىنىڭ روبوت قىزمەتكەرى، مىندەتتەرىن ادامنان ارتىق ورىنداماسا، كەم ورىندامايدى.

ماماندار زەرتتەي كەلە، اسىرەسە، تاماق ونەركاسىبى، جەتكىزىپ بەرۋ، اۋىلشارۋاشىلىعى جۇمىستارى سەكىلدى سالالاردىڭ كومپيۋتەرلەندىرىلۋگە بەيىم كەلەتىنىن انىقتاعان.

بولاشاقتا ءبىلىم بەرۋ سالاسى، ادەبي-شىعارماشىلىق ورتا، سونداي-اق مەديتسينا سالاسى دا قۇلتەمىرلەردىڭ قولىنا كوشىپ قالۋى ىقتيمال ەكەن.

«بۇل ساراپتاماعا اسا ءمان بەرۋدىڭ قاجەتى دە جوق. بۇل ءجاي عانا گيپوتەتيكالىق ەسەپ»، - دەيدى زەرتتەۋشى Bakao.

ايتسە دە، كۇنشىعىس ەلىندە روبوت ءوندىرىسىنىڭ كەرەمەت جولعا قويىلىپ، قاناتىنىڭ كەڭگە جايىپ بارا جاتقانى ادامزاتتى اتالعان ماسەلەلەر تۇرعىسىنان الاڭداتۋى دا مۇمكىن.

 Stan.kz