2035-جىلعا قاراي استانا حالقىنىڭ سانى 2,5 ميلليون بولادى
استانا. KAZINFORM - بۇگىن ۇكىمەتتىڭ كەڭەيتىلگەن وتىرىسىندا مەملەكەت باسشىسى الدىندا ەسەپ بەرگەن استانا قالاسىنىڭ اكىمى جەڭىس قاسىمبەك 2035-جىلعا قاراي قالا حالقىنىڭ سانى 2,5 ميلليونعا جەتۋى مۇمكىن ەكەنىن مالىمدەدى.

«استانا - حالىق سانىنىڭ ەڭ جوعارى ءوسىم قارقىنى بار ءوڭىر (%6,8). 2024-جىلى ەلوردا تۇرعىندارىنىڭ سانى 90 مىڭ ادامعا نەمەسە 7 پايىزعا ءوستى. حالىق سانى: 1520756. ءسىزدىڭ تاپسىرماڭىزعا سايكەس، ۇكىمەت استانا قالاسىنىڭ جاڭا باس جوسپارىن بەكىتتى. 2035-جىلعا قاراي قالا حالقىنىڭ سانى 2,5 ميلليون ادامعا دەيىن ارتادى دەپ بولجانىپ وتىر»، - دەدى جەڭىس قاسىمبەك.
اكىمنىڭ سوزىنشە، قالا تۇرعىندارىنا قولايلى مەگاپوليس قالىپتاستىرۋ ماقساتىندا باس جوسپارعا سايكەس الداعى 10 جىل ىشىندە 120 دان استام مەكتەپ، 170 تەن استام بالاباقشا جانە 50 دەن كوپ دەنساۋلىق ساقتاۋ نىسانىنىڭ قۇرىلىسى جوسپارلانىپ وتىر.
ايتا كەتەيىك، بايانداما بارىسىندا اكىم LTR قۇرىلىسى بيىل جازدا اياقتالىپ، كۇزدە ىسكە قوسىلادى دەدى.