10:24, 03 - قىركۇيەك 2018 | GMT +5
يندونەزيا 2032-جىلعى وليمپيادانى وتكىزۋگە ءوتىنىش بەرمەك
استانا. قازاقپارات - يندونەزيا 2032-جىلى وتەتىن جازعى وليمپيادا ويىندارىن وتكىزۋگە ءوتىنىش بەرمەك. بۇل تۋرالى حالىقارالىق وليمپيادا كوميتەتىنىڭ (ح و ك) پرەزيدەنتى توماس باحپەن بولعان كەزدەسۋىندە يندونەزيا پرەزيدەنتى دجوكو ۆيدودومەن ءمالىم ەتتى، دەپ حابارلايدى ت ا س س.
انتارا اگەنتتىگى دجوكو ۆيدودونىڭ «2018-جىلعى ازيا ويىندارىنا دايىندالىپ، وتكىزدىك. سوندىقتان ءبىز كەلەسى وليمپيادانى دا قارسى الۋعا دايىنبىز»، - دەگەن ءسوزىن كەلتىرەدى.
پرەزيدەنتتىڭ سوزىنشە، حالىقارالىق دەڭگەيدەگى سپورت ماماندارى جاكارتا مەن پالەمبانگتە ءوتىپ جاتقان جارىستارعا دايىندىقتى جوعارى باعالادى.
ح و ك پرەزيدەنتى يندونەزيانىڭ 2032-جىلعى وليمپيادانى وتكىزۋ قۇقىعىنا يە بولۋ مۇمكىندىگىنىڭ وتە جوعارى ەكەندىگىن ايتتى. قاتىسۋشىلارى مەن وتەتىن جارىستارىنىڭ سانى جاعىنان وليمپيادادان كەيىنگى ەكىنشى ورىندا تۇرعان ازيا ويىندارى يندونەزيادا 18- تامىز بەن 2- قىركۇيەك ارالىعىندا وتپەك. وعان الەمنىڭ 45 ەلىنەن 16 مىڭ سپورتشى قاتىسىپ جاتىر.
2020-جىلعى وليمپيادا ويىندارى توكيودا، 2024 -جىلى - پاريجدە، 2028 -جىلى - لوس-اندجەلەستە وتەدى.
