2031-جىلعا قاراي ەلىمىزدە 1,6 ميلليون كادر قاجەت - ەڭبەك مينيسترلىگى
استانا. KAZINFORM - الداعى 5-6 جىلدا ەلىمىزدە قۇرىلىس، اۋىل شارۋاشىلىعى، وڭدەۋ ونەركاسىبى جانە دەنساۋلىق ساقتاۋ سالاسى ماماندارى سۇرانىسقا يە بولادى. تولىعىراق ەڭبەك جانە حالىقتى الەۋمەتتىك قورعاۋ ۆيتسە-ءمينيسترى اسقار بياحمەتوۆ ايتىپ بەردى.
- الداعى 6 جىلدا كادر بويىنشا جيىنتىق سۇرانىس 1,6 ميلليون ادام بولىپ وتىر. ونىڭ ىشىندە شامامەن 900 مىڭ كاسىپتىك-تەحنيكالىق ءبىلىمى بار قىزمەتكەر جانە 400 مىڭنان استام جۇمىسشى ماماندار قاجەت. جۇمىسشى كادرلار نەگىزىنەن قۇرىلىس، اۋىل شارۋاشىلىعى، وڭدەۋ ونەركاسىبى جانە دەنساۋلىق ساقتاۋ سالاسىندا سۇرانىسقا يە، بۇل جۇمىسشى مامانداردىڭ %56. وسى ورايدا ورتالىق مەملەكەتتىك ورگاندار مەن ءوڭىر اكىمدىكتەرى جۇمىسشى ماماندىقتارى جىلى شەڭبەرىندە ءىس-شارالار جوسپارىن ىسكە اسىرۋدى باستادى. مەملەكەتتىك ورگانداردىڭ جوسپارىنا سايكەس جاڭا كاسىپورىندار اشۋ مەن جاڭا جۇمىس ورىندارىن قۇرۋ (تۇراقتى جانە ۋاقىتشا) نەگىزگى مىندەت، - دەدى اسقار بياحمەتوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
سونداي-اق ءمينيستردىڭ ورىنباسارى «جاستار پراكتيكاسى» جوباسى جالعاسىن تاباتىنىن ايتتى.
- جوبا اياسىندا جاس مامانداردى دايارلاۋعا كەمىندە 35 مىڭ تالىمگەردى تارتۋ جوسپاردا بار. سونىمەن قاتار جۇمىسسىز ازاماتتاردى 6 ايدان اسپايتىن كاسىپتىك وقىتۋ ۇيىمداستىرىلادى. وسى ورايدا بيىل 100 كاسىپتىك ستاندارت ازىرلەنىپ، جاڭارتىلادى. ودان بولەك بىلىكتىلىكتى باعالايتىن 4 تاۋەلسىز ورتالىق جۇمىس ىستەيدى، 5-ورتالىقتى اشۋ جوسپارلانىپ وتىر، ونىڭ ىشىندە حالىقارالىق ستاندارتتار بويىنشا 2 ورتالىق بولماق، - دەپ تولىقتىردى ۆيتسە-مينيستر.
بۇعان دەيىن حابارلاعانىمىزداي بىلتىر ەلىمىزدە 714 مىڭ ادام تۇراقتى جۇمىسپەن قامتىلدى.
ايتا كەتسەك، بۇگىن پرەمەر-ءمينيستردىڭ ورىنباسارى ەرمەك كوشەربايەۆ سەناتتا ءوتىپ جاتقان پارلامەنتتىك تىڭداۋدا 2030-جىلعا قاراي قاي سالالاردا جۇمىسشى ماماندار تاپشى بولاتىنىن ايتتى.
