گازبەن 2030-جىلعا دەيىن قانشا ميلليون قازاقستاندىق قامتىلماق
پالاتا دەرەگىنە سۇيەنسەك، كوگىلدىر وتىنعا ءبىرىنشى كەزەكتە ەلىمىزدىڭ ورتالىق جانە سولتۇستىك وڭىرلەرى قوسىلادى.
جوسپارعا ساي، گاز ءوندىرۋ كولەمى ارتادى. ياعني، بۇگىنگى 29,4 ميلليارد تەكشە مەتردەن، 2030-جىلعا قاراي 42 ميلليارد تەكشە مەترگە دەيىن. سونداي-اق، كوگىلدىر وتىن تاسىمالداۋعا ارنالعان ينفراقۇرىلىمنىڭ 25 پايىزى جوندەۋدەن وتپەك.
«جوسپارعا قاراماستان، ءىس جۇزىندە وندىرىلەتىن شيكى گازدىڭ ۇشتەن ءبىرى ونى ءوندىرۋ ىسىندە ەنەرگيا كوزى رەتىندە قايتا جۇمسالاتىنىن ۇمىتپاعان ءجون. بۇل ورايدا كوگىلدىر وتىن وندىرەتىن كاسىپورىنداردىڭ تەحنيكالارى مەن قاجەتتى قۇرال-جابدىقتارىنا كەتەتىن ەنەرگيانى باسقا كوزدەردەن الۋدى قاراستىرۋ ماڭىزدى. وسىلار جۇيەلى جولعا قويىلسا، وندا گاز كولەمىن جىلىنا 33 ميلليارد تەكشە مەترگە دەيىن ارتتىرۋعا بولادى»، - دەدى «اتامەكەن» پالاتاسى بازالىق سالالار دەپارتامەنتىنىڭ باسقارۋشى ديرەكتورى دىنمۇحامەد قۇدايبەرگەنوۆ.
بۇل باعىتتاعى جۇمىستاردى شەشۋ ءۇشىن كاسىپكەرلەر پالاتاسى شاعىن جانە ورتا بيزنەس وكىلدەرىن تارتۋدى، ولاردى ىنتالاندىرۋ شارالارىن بەكىتۋدى ۇسىنىپ وتىر.
