21:33, 10 - اقپان 2022 | GMT +5
قازاقستان 2030-جىلى ماسكەۋدىڭ ەكسپو وتكىزۋگە كانديداتۋراسىن قولدادى
ماسكەۋ. قازاقپارات - قازاقستان ماسكەۋدىڭ 2030-جىلى ەكسپو وتكىزۋگە كانديداتۋراسىن قولدادى.
بۇل تۋرالى بۇگىن ماسكەۋدە رەسەي پرەزيدەنتى ۆلاديمير پۋتينمەن كەلىسسسوزدەردەن كەيىنگى بىرلەسكەن مالىمدەمە بارىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«ءبىز حالىقارالىق باستامالاردى ءوزارا قولداۋ تۋرالى دا ۋاعدالاستىق. قازاقستان ەشقانداي قۇبىلماي-اق ماسكەۋدىڭ 2030-جىلى ەكسپو وتكىزۋ ورنى رەتىندەگى كانديداتۋراسىنا قولداۋ كورسەتكەنىن اتاپ وتكىم كەلەدى»، - دەدى قاسىم-جومارت توقايەۆ.
ق ر پرەزيدەنتى رەسەيلىك ارىپتەسىمەن كەلىسسوزدەر بارىسىندا وڭىرلىك، سونىمەن قاتار جاھاندىق كۇنتارتىبىنە قاتىستى وزەكتى ماسەلەلەردىڭ قوزعالعانىن اتاپ ءوتتى.
«جالپى، ءبىزدىڭ ۇستانىمىمىز وزگەرىسسىز قالا بەرەتىندىگىن اتاپ وتكىم كەلەدى»، - دەدى مەملەكەت باسشىسى.
