الماتى باس جوسپارىنىڭ اۆتورى 2030-جىلعا قاراي قالانىڭ كەلبەتى قانداي بولاتىنىن ايتتى
ونىڭ ايتۋىنشا، الماتى قالاسىنىڭ جاڭا باس جوسپارى بيىل جىلدىڭ سوڭىنا دەيىن قابىلدانىپ، بەكىتىلمەك.
جوبا 2,4 ميلليون تۇرعىنعا ەسەپتەلىپ جاسالعان. باس جوسپاردىڭ اۆتورى قالاداعى قازىرگى وزگەرىستەر بولاشاقتاعى كەلبەتىنەن سيپاتتاپ بەرەدى. «كوپ جىلدار بويى الماتى كەڭەستىك پاراديگمامەن دامىدى. كوشەلەردى كەڭىتىپ، كولىكتەرگە جاعداي جاسالىپ كەلدى. وزگەرىس جاسايتىن ۋاقىت كەلدى. قازىرگى جوندەۋ جۇمىستارى جۇيەلى تۇردە اتقارىلىپ كەلەدى. جىل سايىن قايتا-قايتا جوندەۋ جۇمىستارىنان گورى بارلىعىن 1 جىلدا جاساپ ۇلگەرگەن ءجون. الماتىنىڭ 2020-جىلعا دەيىنگى دامۋ باعدارلاماسىنا سايكەس، قالامىزدى كولىكتەر ءۇشىن ەمەس، ادامدارعا ىڭعايلى ەتىپ سالاتىن بولامىز»، - دەدى التاي ساتىبالدين.
ونىڭ ايتۋىنشا، ەڭ باستى وزگەرىس ەكولوگيالىق احۋالدى جاقسارتۋعا باعىتتالماق، كولىكتەردىڭ جاڭا ءتۇرى جەڭىل رەلستى كولىك، مەترو، برت دامىماق.
«قالانىڭ شەكاراسى ۇلعايمايدى. ءبىزدىڭ الدىمىزداعى باستى مىندەت - قالانىڭ اينالاسىنداعى اگلومەراتسيانى تۇگەل دامۋىنا جاعداي جاساۋ. سىرتتاعى ايماقتاردا دا ىڭعايلىلىق بولۋى كەرەك. وسىلايشا سىرتتان كەلەتىن ادامدارعا قالاعا كەلۋدىڭ قاجەتتىلىگى بولمايدى»، - دەدى ساۋلەتشى.
سونداي-اق، قالاداعى جاسىل جەلەك كولەمىن دە ۇلعايتۋ كوزدەلگەن.
«بۇگىنگى تاڭدا ءبىر ادامعا 4 شارشى مەتر جاسىل جەلەك كەلەدى. بۇل وتە از. جاڭا باس جوسپار بويىنشا بۇل كورسەتكىشتى 13 شارشى مەترگە دەيىن ۇلعايتۋ مىندەتتەلگەن»، - دەدى ا. ساتىبالدين.
سونىمەن قاتار، قۇجاتتا الماتى قاپشاعاي تاس جولىنداعى بوس جەرگە جاڭا اۋەجاي سالۋ، الماتى ۇلكەن اينالما جولىنىڭ قۇرىلىسى ماسەلەسى دە كوتەرىلگەن. باس جوسپاردىڭ اۆتورى التاي ساتىبالدين قانداي وزگەرىس بولماسىن، قالا عيماراتتارىنىڭ تاريحي سيپاتى ساقتالاتىنىن ايتتى. اۆتور: گۇلميرا عوسمانالي
