قازاقستاندا 2030-جىلعا قاراي ترەندتە بولاتىن توپ-7 ماماندىق اتالدى
«World Economic Forum 2025-2030-جىلدارى سۇرانىسقا يە بولاتىن توپ-7 ماماندىقتى اتادى. سولاردىڭ ىشىندە بۇرىن بولماعان ەكى كاسىپتىڭ بىرىگۋىنەن تۋىنداعان IT- دارىگەر دەگەن ماماندىق شىعىپ جاتىر. بۇرىن بلوگەرلەر، SMM- مەنەدجەرلەر دەيتىن ەدىك. ولاردى ەشكىم وقىتپايتىن دا. قازىر سولاردىڭ باسىن بىرىكتىرەتىن «ترەند باقىلاۋشىسى» دەگەن كادىمگى كاسىبي باعىت دامىپ كەلە جاتىر. «بيوينجەنەر»، «دەرەكتەر تالداۋشىسى» نەمەسە «data-اناليتيك» دەگەن ماماندىقتار سۇرانىسقا يە بولماق. «ۋرباينست-ەكولوگتارعا» دا سۇرانىس ارتىپ كەلەدى. بۇرىن تەك ارحيتەكتورلار جۇمىس ىستەسە، قازىر ەكولوگيانى بىرگە الىپ جۇرەتىن گيبريد ماماندىق پايدا بولدى. «جوبا مەنەدجەرى»، «جاساندى ينتەلەكت جانە ماشينالىق وقىتۋ سالاسىنداعى مامان» دەگەن سياقتى جاڭا-جاڭا باعىتتار داميدى»، - دەدى ول.
ساراپشىنىڭ ايتۋىنشا، بۇل ماماندىقتارعا 2025-جىلدان كەيىن مەكتەپ بىتىرەتىن وقۋشىلار باعدارلانۋى كەرەك.
«ارينە، قازىرگى تۇلەكتەرگە الداعى 5-10 جىلدا قانداي ماماندىقتار ترەندتە بولاتىنىن جەتكىزۋىمىز كەرەك. سونداي-اق قازىر 1- سىنىپقا كەلىپ جاتقان بالالاردى دا ۇمىتپاۋىمىز قاجەت. ولارعا كاسىبي باعدار بويىنشا بولەك ءپان، ءپان كابينەتتەرى اشىلىپ جاتىر. ءبىز سولارعا 100 دەن استام جويىلىپ كەلە جاتقان ماماندىقتاردىڭ ءتىزىمىن دە قالدىرىپ ءجۇرمىز. سول ارقىلى ولار قاي ماماندىقتىڭ كەرەكتى بولاتىنىن، قاي ماماندىقتىڭ كەرەكسىز بولىپ قالاتىنىن ءبىلىپ وتىرادى. ونىڭ ءبارىن ويىمىزدان شىعارىپ جاتقان جوقپىز. ناقتى عىلىمي دەرەكتەرگە باعىنىپ، قورىتىندى شىعاردىق»، - دەدى مۇحتار مانكەيەۆ.
