قازاقستان حالقى 2030-جىلعا قاراي 20 ميلليونعا جەتەدى - ب. نۇرىمبەتوۆ
بۇل تۋرالى بۇگىن استانا ەكونوميكالىق فورۋمى اياسىنداعى ءوسۋدىڭ جاڭا ۇلگىسىن ىزدەۋ جولىندا تاقىرىبىنداعى سەسسيادا ق ر دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ءبىرجان نۇرىمبەتوۆ ايتتى.
«دەموگرافيالىق بولجامدارعا سايكەس، قازاقستان ەڭبەككە قابىلەتتى جاستاعى حالقىنىڭ جىل سايىنعى تابيعي ءوسىمى 2017-2018-جىلدارى 10 مىڭ ادامعا دەيىن تومەندەپ، تەك 2019-جىلدان ءوسىم كورسەتە باستايدى. 2020-جىلى ءوسىم شامامەن 25 مىڭ ادامدى قۇرايدى جانە 2050-جىلعا قاراي جىل سايىنعى ءوسىم 100 مىڭ ادامنان اسادى. بۇل ءبىر جاعىنان ەڭبەك نارىعىنداعى كۇردەلى جايتتى تومەندەتەدى. دەگەنمەن، ەكىنشى جاعىنان ەكونوميكالىق ءوسىم قارقىنىنا ىقپال ەتەتىن بولادى»، - دەدى ول.
ۆيتسە-ءمينيستردىڭ اتاپ وتۋىنشە، تاياۋ بولاشاقتا تابيعي ءوسىم مەن ادامداردىڭ ءومىر ءسۇرۋ ۇزاقتىعىنىڭ ارتۋىنا بايلانىستى ەل حالقىنىڭ جالپى سانى دا كوبەيەتىن بولادى. وسى رەتتە ول ب ۇ ۇ ەكونوميكالىق جانە الەۋمەتتىك ىستەر دەپارتامەنتىنىڭ بولجامدى مالىمەتتەرىن العا تارتتى. اتالعان دەرەكتەرگە قاراعاندا، 2030-جىلعا قاراي قازاقستان حالقى 14 پايىزعا ءوسىپ، 20,1 ميلليون ادامعا جەتەتىن بولادى.
«ۋاقىتتىڭ وسىناۋ سىنىنا جاۋاپ بەرۋ ءۇشىن ءبىز ىشكى ەڭبەك رەسۋرستارىن ءوندىرىستىڭ جۇمىسقا تارتۋدى جوسپارلاۋدامىز. بۇگىندە «جۇمىسپەن قامتۋدىڭ جول كارتاسى - 2020» باعدارلاماسىن جۇزەگە اسىرۋدامىز»، - دەدى ب. نۇرىمبەتوۆ.
اۆتور: مارلان جيەمباي
