2029-جىلعا قاراي 150 ميلليارد تەڭگەگە تىكەلەي ينۆەستيتسيا تارتامىز - پرەزيدەنت
استانا. KAZINFORM - قازاقستان 2029-جىلعا قاراي 150 ميلليارد تەڭگەگە تىكەلەي شەتەل ينۆەستيتسياسىن تارتادى. بۇل تۋرالى ق ر پرەزيدەنتى جانىنداعى شەتەلدىك ينۆەستورلار كەڭەسىنىڭ 36-پلەنارلىق وتىرىسىندا مەملەكەت باسشىسى قاسىم-جومارت توقايەۆ ايتتى.
«قازاقستان ينۆەستيتسيالىق تارتىمدىلىقتى ارتتىرۋعا ەرەكشە كوڭىل بولەدى. تەك 2023-جىلى ەكونوميكامىزعا 23 ميلليارد دوللاردان استام تىكەلەي شەتەلدىك ينۆەستيتسيانىڭ بىرەگەي اعىنى تىركەلدى. حالىقارالىق مەنەدجمەنت جانە دامۋ ينستيتۋتىنىڭ مالىمەتى بويىنشا، بيىل قازاقستان الەمدەگى ەڭ باسەكەگە قابىلەتتى 35 ەلدىڭ قاتارىنا ەندى. سونىمەن قاتار Moody’s ەلگە بۇكىل تاريحىنداعى ەڭ جوعارى رەيتينگ بەردى. ءبىراق ءبىز تارتىنىپ قالماي، مۇنان ارى دا ينۆەستيتسيا تارتۋ ءۇشىن تاباندى جۇمىس ىستەۋىمىز كەرەك كەرەك. ءبىز 2029-جىلعا قاراي قوسىمشا 150 ميلليارد دوللار تىكەلەي شەتەلدىك ينۆەستيتسيا تارتۋ ءۇشىن جاڭا جانە ءورشىل ماقساتقا نەگىز دايىندادىق»، - دەدى پرەزيدەنت.
مەملەكەت باسشىسى مۇنداي ءورشىل ماقساتتى قولداۋ ءۇشىن ۇكىمەتتەگى ينۆەستيتسيالىق باسقارماعا «وسىندا جانە قازىر» قاعيداتىن ساقتاي وتىرىپ، تۋىنداعان ماسەلەلەردى شەشۋگە وكىلەتتىك بەرىلگەن.
«مامىر ايىندا مەن ۇلتتىق ەكونوميكانى ەلەۋلى ىرىقتاندىرۋ ءۇشىن نەگىز قالايتىن پرەزيدەنتتىك جارلىققا قول قويدىم جانە وسى مۇمكىندىكتى پايدالانا وتىرىپ، قازاقستانداعى ينۆەستيتسيالىق احۋالدى ودان ءارى جاقسارتۋعا دەگەن ۇمتىلىسىمىزدى راستايمىن»، - دەدى قاسىم-جومارت توقايەۆ.
بۇعان دەيىن قازاقستان تەحنيكالىق جانە كاسىپتىك ءبىلىم بەرۋ ساپاسىن ارتتىرۋعا دايىن ينۆەستورلاردى ىزدەيتىندىگىن جازعان ەدىك.
