2027-جىلدان باستاپ جەدەل جاردەم قىزمەتى بويىنشا جاڭا نورما ەنگىزىلەدى - مينيستر
استانا. KAZINFORM - جەدەل جاردەم قىزمەتىنىڭ جاڭا نورماسى حالىقارالىق تاجىريبەگە سايكەس. بۇل تۋرالى دەنساۋلىق ساقتاۋ ءمينيسترى اقمارال ءالنازاروۆا ءمالىم ەتتى.
- بۇگىندە جەدەل جاردەم قىزمەتى 8 ميلليوننان استام شاقىرتۋ الادى. ونىڭ ىشىندە 60 پايىزعا جۋىعى ءتورتىنشى ساناتقا جاتادى، ياعني سوزىلمالى اۋرۋى بار نەمەسە ءوز اياعىمەن ەمحاناعا بارا الاتىن ناۋقاستار، وسى ورايدا شۇعىل، ادام ومىرىنە قاۋىپ تونگەن جاعدايداعى شاقىرتۋلارعا جەدەل جاردەم كەشىگىپ جاتادى. سوندىقتان ءبىز حالىقارالىق بارلىق تاجىريبەنى ەسكەرە وتىرىپ، زاڭ جوباسىنا ءتيىستى ۇسىنىستى ەنگىزىپ وتىرمىز، - دەدى اقمارال ءالنازاروۆا ماجىلىستە م ءا م س جۇيەسى تۋرالى زاڭ جوباسىن تانىستىرا تۇرىپ.
سونداي-اق ۆەدومستۆو باسشىسى جەدەل جاردەم قانداي جاعدايدا كورسەتىلەتىنىنە قاتىستى ءتىزىم جاسالعانىن جەتكىزدى.
- بۇل نورما 2027-جىلدان باستاپ ىسكە قوسىلادى، - دەپ قىسقا قايىردى مينيستر.
ەسكە سالا كەتەيىك، ەگەر 103 جاۋاپ بەرمەسە، جەدەل جاردەمگە حابارلاسۋدىڭ بالاما نۇسقاسى بار.
ايتا كەتەيىك، بۇگىن ماجىلىستە «مىندەتتى الەۋمەتتىك مەديتسينالىق ساقتاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ تانىستىرىلىمى ءوتىپ جاتىر.
