22:40, 08 - تامىز 2022 | GMT +5
بۇكىلالەمدىك شاحمات وليمپياداسى 2026-جىلى وزبەكستاندا وتەدى
تاشكەنت. قازاقپارات - 46-دۇنيەجۇزىلىك شاحمات وليمپياداسى 2026-جىلى وزبەكستاندا وتەدى.
بۇل تۋرالى وزبەكستان شاحمات فەدەراتسياسىنىڭ پرەزيدەنتى الىشەر سادۋللايەۆ ءوزىنىڭ Telegram-كانالىندا مالىمدەدى، دەپ حابارلايدى قازاقپارات ءتىلشىسى.
ءتيىستى شەشىم ءۇندىستاننىڭ چەنناي قالاسىندا وتكەن حالىقارالىق شاحمات فەدەراتسياسىنىڭ (FIDE) باس اسسامبلەياسىندا قابىلداندى.
تۋرنيردى وتكىزۋگە پولشا مەن زامبيا دا ءوتىنىش ءبىلدىردى، ءبىراق ولار ءوز ۇكىمەتىنىڭ كەپىلدىك حاتىنىڭ جوقتىعىنان فينالدىق تۋرعا قاتىسا المادى.
ناتيجەسىندە دەلەگاتتاردىڭ بۇكىل داۋسى وزبەكستانعا بەرىلدى.
وزبەكستان بۇل جارىستى العاش رەت وتكىزەدى. تاشكەنت نەمەسە سامارقاند تاڭدالادى.
29- شىلدە مەن 9- تامىز ارالىعىندا ءۇندىستاننىڭ چەنناي قالاسىندا 44-شاحمات وليمپياداسى ءوتىپ جاتىر.
45-شاحمات وليمپياداسى 2024-جىلى ۆەنگريانىڭ بۋداپەشت قالاسىندا وتەدى.
