فەيك: جاڭاوزەن 2025-جىلعا دەيىن كارانتيندىك ايماق بولادى

استانا. قازاقپارات - الەۋمەتتىك جەلىلەر مەن مەسسەندجەرلەردە جاڭاوزەن قالاسى 2025 -جىلعا دەيىن كارانتيندىك ايماق بولىپ جاريالانعانى تۋرالى اقپارات تارادى.

بۇدان بىلاي ادامدارعا كىرۋ ءۇشىن ارنايى رۇقسات قاجەت. بۇل شىندىققا جاناسپايدى، دەپ حابارلايدى stopfake.kz.

بۇل اقپاراتتىڭ كوزى - Instagram-داعى QazNews24 ساتيرالىق اككاۋنتى.

بۇل پاراقشادا ويدان شىعارىلعان جاڭالىقتار جاريالانادى. شىنايى حابارلامالار جوق.

ماڭعىستاۋ وبلىسى اكىمدىگىنىڭ رەسمي سايتىندا جاڭاوزەن اۋماعىندا كارانتيندىك شەكتەۋلەر ەنگىزۋ تۋرالى اقپارات جوق. مۇنداي حابارلامالار قالانىڭ سايتىندا دا شىقپاعان.

سونداي-اق ب ا ق تا جاڭاوزەننىڭ 2025-جىلعا دەيىن كارانتيندىك ايماقتا بولاتىنى تۋرالى اقپارات تاراتپاعان.

«دەمەك، بۇل - فەيك اقپارات، وعان سەنبەگەن ءجون»، - دەلىنگەن حابارلامادا.