قازاقستاندا 2025-جىلعا قاراي زەينەتاقى قالاي وسەدى؟

استانا. قازاقپارات - ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا زەينەتاقى قالاي ءوسۋى مۇمكىن ەكەنىن ايتتى، - دەپ حابارلايدى Massaget.kz ءتىلشىسى.

«2023-جىلعى 1- قاڭتاردان 2027-جىلعا دەيىن ەڭ تومەنگى بازالىق زەينەتاقى مولشەرىن ەڭ تومەنگى كۇنكورىس دەڭگەيىنىڭ 54 پايىزىنان 70 پايىزعا دەيىن، ەڭ جوعارى 100 پايىزدان 120 پايىزعا دەيىن جەتكىزۋ جوسپارلانىپ وتىر»، - دەپ ءتۇسىندىردى ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا سەناتتا الەۋمەتتىك كودەكستىڭ تانىستىرىلىمى بارىسىندا.

ونىڭ ايتۋىنشا، وعان دەيىن بازالىق زەينەتاقى مولشەرى ورتا ەسەپپەن 51 پايىزعا دەيىن كوتەرىلەدى. بۇل رەتتە بازالىق زەينەتاقىنىڭ ورتاشا مولشەرى جىل سايىن شامامەن 13 پايىزعا وسەدى جانە بۇل بارلىق ەكى ميلليون زەينەتكەرگە اسەر ەتەدى.

«ۇسىنىلعان شارالار 2025-جىلعا قاراي جيىنتىق زەينەتاقىنى ورتا ەسەپپەن 27 پايىزعا ارتتىرۋعا مۇمكىندىك بەرەدى (ءۇش جىل ىشىندە 109 مىڭنان 138 مىڭعا دەيىن – ە س ك.)»، - دەدى مينيستر.