2025 -جىلعا دەيىن ورتا ارناۋلى كاسىپتىك ءبىلىم بەرۋ تەگىن بولادى – توعجانوۆ
ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسياسىنىڭ حابارلاۋىنشا، شارا بارىسىندا قاتىسۋشىلار جاستار ساياساتىن ىسكە اسىرۋ مەن ولاردى قولداۋ جونىندەگى مەملەكەتتىك شارالار، سونداي- اق قازاقستان رەسپۋبليكاسىنىڭ كونستيتۋتسياسىنا ەنگىزىلۋى جوسپارلانعان تۇزەتۋلەر بويىنشا الداعى رەفەرەندۋمنىڭ مىندەتتەرىن تالقىلادى.
ە. توعجانوۆ جاستاردى قولداۋ باعىتىندا ۇكىمەت ءبىرقاتار اۋقىمدى جۇمىس جۇرگىزىپ جاتقانىن اتاپ ءوتتى. ماسەلەن، 2025 -جىلعا دەيىن ورتا ارناۋلى كاسىپتىك ءبىلىم بەرۋدى اقىسىز ەتۋ جوسپارلانىپ وتىر. ونداعان مىڭ گرانت بولىنەتىن ۇزدىك حالىقارالىق ۋنيۆەرسيتەتتەر ەلىمىزدە ءوز فيليالدارىن اشۋدا. سونداي- اق، جاس عالىمدارعا دا قولداۋ كورسەتىلەدى. ۇكىمەت جاس عالىمداردىڭ سانىن %50 عا دەيىن ارتتىرۋ مىندەتىن قويدى. ق ر پرەمەر- ءمينيسترىنىڭ ورىنباسارى جۇمىسپەن قامتۋ ماسەلەلەرىنىڭ وڭ شەشىمىن تاۋىپ جاتقانىن اتاپ ءوتتى. كوممەرتسيالىق يدەيالارعا 10 مىڭ گرانت بولىنۋدە، ولاردىڭ سوماسى 1,2 ميلليون تەڭگەگە دەيىن ۇلعايدى. 2025 -جىلعا دەيىن 2 ميلليون قازاقستاندىق ءۇشىن جاڭا جۇمىس ورىندارىن اشۋ جوسپارلانعان.
«جاستاردىڭ نەگىزگى پروبلەمالارىنىڭ ءبىرى - تۇرعىن ۇيمەن قامتاماسىز ەتۋ. ءبىز 2025 -جىلعا قاراي تۇرعىن ءۇي قۇرىلىسىنىڭ بارلىق باعدارلامالارى شەڭبەرىندە جاس وتباسىلار ءۇشىن %25 كۆوتا ەنگىزۋدى كوزدەپ وتىرمىز. بۇگىنگى كۇنى 3 وڭىردە ىسكە اسىرىلىپ جاتقان وتباسى بانكىنىڭ جەڭىلدەتىلگەن يپوتەكا باعدارلاماسىن بارلىق وڭىردە ىسكە قوسۋ جوسپارلانىپ وتىر»، - دەدى ە. توعجانوۆ.
سونداي- اق ەرالى توعجانوۆ مەملەكەت باسشىسىمەن العا قويىلعان مىندەتتەر تۋرالى ايتتى. بيىلعى 16-ناۋرىزدا پرەزيدەنت قاسىم- جومارت توقايەۆ قازاقستان حالقىنا «جاڭا قازاقستان: جاڭارۋ مەن جاڭعىرۋ جولى» اتتى جولداۋىن ارنادى. جولداۋ اياسىندا ساياسي رەفورمالاردىڭ جالپى قازاقستاننىڭ جۇيەلى ترانسفورماتسياسىنا ىقپال ەتەتىن جانە مەملەكەتتىڭ ۇزاق مەرزىمدى دامۋىنىڭ جاڭا پاراديگماسىن ايقىندايتىن 10 باسىم باعىتى بەلگىلەندى. «قوعام مەن ەلدىڭ ومىرىنە جان- جاقتى اسەر ەتەتىن ساياسي جۇيەنى قايتا ىسكە قوسۋدىڭ ءورشىل ماقساتتارى ايقىندالدى» - دەپ اتاپ ءوتتى ۆيتسە- پرەمەر.
تالقىلاۋ بارىسىندا قاتىسۋشىلار وزدەرىن قىزىقتىرعان سۇراقتارىن قويىپ، وزەكتى ماسەلەلەر بويىنشا پىكىر الماستى، سونداي- اق جاستار ساياساتىن جەتىلدىرۋ بويىنشا ۇسىنىستارىن دا جەتكىزدى. كەزدەسۋ قورىتىندىسى بويىنشا ەرالى توعجانوۆ قاتىسۋشىلاردى الداعى رەفەرەندۋمعا بەلسەندى قاتىسۋعا شاقىردى. جاستار ۆيتسە- پرەمەردىڭ ۇندەۋىن ءبىراۋىزدان قولدادى.
