قازاقستاندا قارتتاردى قولداۋعا ارنالعان 2025 -جىلعا دەيىنگى جوسپار بەكىتىلدى
«پارتيانىڭ «وزگەرىس جولى: اركىمگە لايىقتى ءومىر!» سايلاۋالدى باعدارلاماسى اياسىندا بيىل ءبىزدىڭ مينيسترلىك اعا بۋىن ازاماتتاردىڭ جاعدايىن جاقسارتۋ باعىتتالعان 2025 -جىلعا دەيىنگى «بەلسەندى ۇزاق ءومىر ءسۇرۋ» اتتى ءىس- شارالار جوسپارىن بەكىتتى»، - دەلىنگەن مينيسترلىك تاراتقان حابارلامادا.
اتالعان جوسپار ەگدە جاستاعى ادامداردىڭ قوعام ومىرىنە بەلسەنە ارالاسۋىنا مۇمكىندىك بەرەدى. سونىمەن قاتار جوسپار قارت جانداردى ساپالى مەملەكەتتىڭ قولداۋمەن قامتۋعا كەپىلدىك بەرەدى. جانە جوسپار ۆەدومستۆوعا باعىنىستى جوبالىق وفيس ارقىلى جۇزەگە اساتىنى بەلگىلى بولدى.
«جوسپارعا سايكەس ەلىمىزدىڭ بارلىق وڭىرلەرىندە بەلسەندى ۇزاق ءومىر ءسۇرۋ ورتالىقتارىن اشۋ كوزدەلگەن. ورتالىقتاردىڭ قىزمەتى ەگدە جاستاعى بەلسەندى ازاماتتاردىڭ سانىن كوبەيتۋگە، ولاردىڭ ءومىر ءسۇرۋ ساپاسىن، ءال- اۋقاتىن، دەنساۋلىعىن جانە پسيحوەموتسيونالدىق جاعدايىن جاقسارتۋعا مۇمكىندىك بەرەدى. قازىرگى ۋاقىتتا اتالعان ورتالىق ەلىمىزدىڭ 10 وڭىرىندە اشىلدى. اتاپ ايتقاندا، نۇر- سۇلتان، الماتى جانە شىمكەنت قالالارىندا بار. ودان بولەك، اقمولا، جامبىل، قاراعاندى، قوستاناي، اقتوبە، س ق و جانە تۇركىستان وبلىسىندا ورتالىقتار جۇمىس ىستەپ تۇر»، - دەدى ق ر ەڭبەك جانە حالىقتى الەۋمەتتىك قورعاۋ مينيسترلىگى الەۋمەتتىك كومەك ساياساتىن دامىتۋ دەپارتامەنتىنىڭ ديرەكتورى اسقار نيازوۆ.
بۇعان دەيىن حابارلاعانىمىزداي، مينيسترلىك ەگدە جاستاعى جاندارعا كورسەتىلەتىن الەۋمەتتىك كومەك ءتىزىمىن جاريالادى . سونداي- اق، قازاقستاندا ەگدە جاستاعى 45 مىڭنان استام جان مەملەكەت تاراپىنان كورسەتىلەتىن ارناۋلى الەۋمەتتىك قىزمەتپەن قامتىلعانى ايتىلدى.
اۆتور: ءالي يبرايەۆ
