جاڭا عارىش زىمىران كەشەنى «بايتەرەكتەن» ءبىرىنشى ۇشىرىلىم 2025 - جىلى جۇزەگە اسىرىلادى
پارلامەنت ماجىلىسىندەگى ۇكىمەت ساعاتىندا ق ر قورعانىس جانە ايەروعارىش ونەركاسىبى ءمينيسترى بەيبىت اتامقۇلوۆ وسىلاي ءمالىم ەتتى، دەپ حابارلايدى قازاقپارات.
ونىڭ سوزىنە قاراعاندا، 2050 -جىلعا دەيىنگى «بايقوڭىر» كەشەنىندەگى ىنتىماقتاستىقتىڭ كەلەشەگىن پىسىقتاۋ تۋرالى قازاقستان مەن رەسەي پرەزيدەنتتەرىنىڭ ۋاعدالاستىقتارىنا سايكەس، «بايقوڭىر» كەشەنى بويىنشا ودان ءارى ىنتىماقتاستىق تۇجىرىمداماسى ازىرلەنىپ، بەكىتىلدى. وسى ورايدا كەشەن مەن قالا ينفراقۇرىلىمىنىڭ دامۋىن، عارىش جوبالارىنىڭ ىسكە اسىرىلۋى نەگىزىندە قولدا بار كەشەن نىساندارىن جانە ءبىرىنشى كەزەكتە «بايتەرەك» عارىش زىمىران كەشەنى بىرلەسكەن جوباسىن قۇرۋ قاراستىرىلعان.
قول جەتكىزىلگەن ۋاعدالاستىقتار تۇرعىسىندا «بايتەرەك» جوباسى قازىرگى قولدانىستاعى «زەنيت» عارىش زىمىران كەشەنىمەن جانە ورتا دەڭگەيدەگى پەرسپەكتيۆتى رەسەيلىك تاسىمالداعىش زىمىراندى ىسكە اسىرۋ نەگىزىندە جوسپارلانۋدا. بۇل رەتتە «زەنيت» ع ز ك نىساندارىن رەسەي فەدەراتسياسىنان جالدان شىعارۋ، سونداي- اق ولاردى قازاقستان تاراپىنا بەرۋ 2018 -جىلدىڭ 1 - قاڭتارىنان باستاپ جۇرگىزىلەتىن بولادى.
«وسىعان بايلانىستى بىزگە اتالعان نىسانداردى كۇتىپ- ۇستاۋ مەن پايدالانۋ بويىنشا جۇمىستاردى قارجىلاندىرۋ ماسەلەسىن شەشۋ كەرەك. «بايتەرەك» جاڭا عارىش زىمىران كەشەنىنەن ءبىرىنشى ۇشىرىلىمدى 2025 -جىلى جۇزەگە اسىرۋ جوسپارلانىپ وتىر. «بايتەرەكتى» قۇرۋ عارىش ايلاعىنىڭ ەكولوگيالىق پروبلەمالارىن شەشۋدە ايرىقشا ماڭىزعا يە. جاڭا زىمىران گەپتيلدى «پروتوندى» الماستىرادى»، - دەدى مينيستر.
ونىڭ پايىمىنشا، بۇل قازاقستاننىڭ ۇلتتىق مۇددەلەرى ءۇشىن ستراتەگيالىق ماڭىزى بار جوبا، سەبەبى «بايقوڭىر» عارىش ايلاعىنىڭ كەلەشەگىن ساقتاپ قالۋعا جانە كوممەرتسيالىق ۇشىرۋلار ەلىمىزدىڭ الەمدىك نارىققا كىرۋىنە مۇمكىندىك بەرەدى.
اۆتور: رۋسلان عابباسوۆ
