رەسەيدىڭ ءۇش قالاسى ەكسپو-2025 كورمەسىن قابىلداعىسى كەلەتىنىن مالىمدەدى
بۇل تۋرالى ر ف ساۋدا-ونەركاسىپتىك پالاتاسىنىڭ سايتىندا حابارلاندى.
«ر ف ۇكىمەتى باسشىسىنىڭ ورىنباسارى اركادي دۆوركوۆيچتە وتكەن كەڭەستە رەسەي ەكسپو-2025 كورمەسىن وتكىزۋ قۇقىعى ءۇشىن كۇرەسكە قاتىسۋعا شەشىم قابىلداندى. ءبىزدىڭ ەلىمىز ەكسپو-عا بەلسەنە قاتىسۋدا، ءبىراق تا بىردە-ءبىر رەت ءوزى كورمەنى قابىلداعان ەمەس. سوڭعى رەت رەسەي ەكسپو-2020» كورمەسىن وتكىزۋ ءۇشىن كۇرەستى. وسى ورالدىق قالا، سونداي-اق يجيەۆسك جانە نيجنيي نوۆگورود وزدەرىندە ەكسپو-2020» كورمەسىنوتكىزۋگە تىلەك ءبىلدىردى»، - دەلىنگەن ر ف ساۋدا-ونەركاسىپتىك پالاتاسىنىڭ حابارلاماسىندا.
بۇدان بۇرىن سۆەردلوۆ وبلىسىنىڭ گۋبەرناتورى ەۆگەني كۋيۆاشيەۆ ەكاتەرينبۋرگ اۋەلى فەدەرالدىق دەڭگەيدە، ەل باسشىلىعى ماقۇلداسا، ودان كەيىن حالىقارالىق دەڭگەيدە ەكسپو-2025 كورمەسىن وتكىزۋ ءۇشىن كۇرەسكە تۇسەتىنىن حابارلاعان بولاتىن.
بۇكىل الەمدىك امبەباپ كورمەلەر 1851-جىلدان بەرى وتكىزىلىپ كەلەدى جانە جاڭا جەتىستىكتەر مەن تەحنولوگيالاردى كورسەتۋدىڭ ەڭ اۋقىمدى الاڭى بولىپ كەلەدى. سوڭعى مامانداندىرىلعان كورمە 2015-جىلى ميلاندا ءوتتى، 2017-جىلعى كورمە استانادا وتەدى. 2020-جىلعى بۇكىل الەمدىك كورمەنى دۋباي قابىلدايدى.
ەكسپو -2020 وتكىزۋگە ۇمىتتەنگەن ەكاتەرينبۋرگ ناق وسى قالادان جەڭىلگەن بولاتىن.
