2025-جىلى تۇرعىن ءۇي باعاسى قالاي وزگەرەدى؟

استانا. قازاقپارات – 2025-جىلى تۇرعىن ءۇي نارىعى قالاي وزگەرمەك؟ Krisha.kz ساراپشىلارى بىلتىر تۇرعىن ءۇي باعاسى قالاي وزگەرگەنىن انىقتاپ، بيىل نە كۇتۋ كەرەگىن ءبولىستى.

قايدان تۇرعىن ءۇي ساتىپ الۋ قىمبات جانە ارزان؟

ەڭ قىمبات 3 قالانىڭ ءتىزىمى وزگەرىسسىز قالدى:

الماتى - تۇرعىن ءۇي باعاسى بويىنشا كوشباسشى. ءبىر شارشى مەتردىڭ ورتاشا باعاسى شامامەن 745 مىڭ تەڭگە بولدى. قالا بيزنەس ورتالىعى مارتەبەسىنىڭ ارقاسىندا ينۆەستورلاردى، ستۋدەنتتەر مەن مامانداردى تارتادى.

استانا - ەكىنشى ورىندا. مۇنداعى الاڭنىڭ ورتاشا قۇنى شامامەن 513 مىڭ تەڭگە. قالانىڭ بەلسەندى دامۋى وزىنە جاڭا تۇرعىنداردى تارتىپ جاتىر.

شىمكەنت - ءبىر شارشى مەتر ءۇشىن 432 مىڭ تەڭگە.

ەڭ قولجەتىمدى جىلجىمايتىن مۇلىك مىنا قالالاردا:

قىزىلوردا - ەڭ تومەنگى ورتاشا باعامەن ءبىر شارشى ءۇشىن 244 مىڭ تەڭگەمەن كوش باستاپ تۇر.

تاراز - ەكىنشى ورىندا. ءبىر شارشى مەترگە شامامەن 301 مىڭ تەڭگە.

ساراپشىلار 2024-جىلدى يپوتەكا جىلى دەپ اتادى.

«بىلتىر ەلدەگى يپوتەكا ءۇشىن بەتبۇرىس بولدى. جاڭا باعدارلامالار پايدا بولدى، ەسكى باعدارلامالاردىڭ ەرەجەسى وزگەردى. 2025-جىلى ءبىزدى ودان دا كوپ وزگەرىستەر كۇتىپ تۇر»، - دەدى ولار.

سونىمەن قاتار Krisha.kz ساراپشىلارى 2025-جىلعا ارنالعان بولجام جاسادى. ماسەلەن:

ەلدە جاڭا تۇرعىن ءۇي تاپشىلىعى كۇشەيەدى، اسىرەسە استانا، الماتى جانە شىمكەنتتە؛

تۇرعىن ءۇي باعاسى جوسپارلى تۇردە وسە بەرەدى؛

«قالا ىشىندەگى قالا»، ياعني تۇرعىن ءۇي سانى تىم كوپ تۇرعىن ءۇي كەشەندەرىنىڭ سانى ارتادى؛

قازاقستاندىقتار ءۇشىن ەڭ تانىمال باسپانا رەتىندە 60 شارشى مەترگە دەيىنگى پاتەرلەر قالادى؛

«7-20-25» يپوتەكالىق باعدارلاماسىنىڭ قولجەتىمدىلىگى تومەندەيدى، ال «وتاۋ» جانە «ناۋرىز» باعدارلامالارى ونىڭ ەلەۋلى باسەكەلەستەرىنە اينالادى.

بانكتەر مەن قۇرىلىس سالۋشىلاردىڭ بىرلەسكەن يپوتەكالىق باعدارلامالارى كوبەيەدى؛

يسلامدىق يپوتەكا ىسكە قوسىلۋى مۇمكىن.