2025-جىلعى 1-4-قاڭتار دەمالىس كۇندەرى بولىپ بەلگىلەندى
استانا. KAZINFORM – ق ر ەڭبەك جانە حالىقتى الەۋمەتتىك قورعاۋ مينيسترلىگى 2025-جىلدىڭ قاڭتارىنداعى دەمالىس كۇنىن اۋىستىرۋدى كوزدەيتىن بۇيرىق دايىندادى.
ق ر ەڭبەك جانە حالىقتى الەۋمەتتىك قورعاۋ ءمينيسترىنىڭ «2025-جىلى دەمالىس كۇنىن اۋىستىرۋ تۋرالى» بۇيرىعىنا سايكەس، 2025-جىلعى 5-قاڭتارداعى جەكسەنبى، ياعني دەمالىس كۇنى 2025-جىلعى 3-قاڭتارعا، جۇماعا اۋىستىرىلادى.
وسىلايشا، اپتاسىنا بەس كۇن جۇمىس ىستەيتىن قازاقستاندىقتار 1-4-قاڭتار، ال جۇمىس اپتاسى التى كۇندى قۇرايتىن ازاماتتار - 1-3-قاڭتار كۇندەرى دەمالاتىن بولدى.
دەمالىس كۇنىن اۋىستىرۋ جۇمىس ۋاقىتىن وڭتايلى بولۋگە جانە ازاماتتاردىڭ دەمالىسى ءۇشىن قولايلى جاعداي جاساۋعا مۇمكىندىك بەرەدى.
وسىعان دەيىن 2024-جىلعى 1-قاراشاداعى جاعداي بويىنشا مەملەكەتتىك ەڭبەك ينسپەكتورلارى رەسپۋبليكانىڭ 264 كاسىپورنى 17,8 مىڭ جۇمىسكەرگە 3,9 ميلليارد تەڭگەگە جالاقى بويىنشا بەرەشەك ەكەنىن انىقتادى. سونىمەن بىرگە ءتۇرلى ۇيىمداردا جۇرگىزىلگەن تەكسەرۋلەر بارىسىندا 7,1 مىڭنان اسا ەڭبەك قۇقىعىنىڭ بۇزىلۋى انىقتالدى.
