2025 -جىلعا دەيىنگى دامۋ جوسپارى: ەلدىڭ دامۋىنا ەلەۋلى ىقپال ەتەتىن 6 باعىت ايقىندالدى
بۇگىن ساراپشىلار قاۋىمداستىعى مەن ق ر پارلامەنتى دەپۋتاتتارىنىڭ قاتىسۋىمەن Talap Talks الاڭىندا ءوت وتىكزىلگەن دوڭگەلەك ۇستەل بارىسىندا ۇلتتىق ەكونوميكا ۆيتسە- ءمينيسترى الىشەر ءابدىقادىروۆ ق ر 2025 -جىلعا دەيىنگى اۋماقتىق دامۋ جوسپارىنىڭ جوباسىمەن تانىستىردى.
«ءبىز ىشكى جانە سىرتقى الەۋمەتتىك- ەكونوميكالىق ۇردىستەر مەن سىن- قاتەرلەرگە تالداۋ جاسادىق، قازاقستانعا اسەر ەتەتىن اۋماقتىق- كەڭىستىكتىك دامۋداعى حالىقارالىق تاجىريبە مەن جاھاندىق ۇردىستەر زەردەلەندى. جوسپاردىڭ اعىمداعى جوباسى مەملەكەتتىك جوسپارلاۋ جۇيەسىندە قابىلدانعان وزگەرىستەردى ەسكەردى»، - دەدى ءا. ءابدىقادىروۆ.
جاڭا جوسپاردا ەلدىڭ الەۋمەتتىك- ەكونوميكالىق جانە اۋماقتىق- كەڭىستىكتىك دامۋىنا ەلەۋلى ىقپال ەتەتىن 6 نەگىزگى باعىت ايقىندالدى. بۇل ايماقتاندىرۋ، ەكونوميكالىق قۋاتتىڭ قىتايعا اۋىسۋى، كليماتتىڭ وزگەرۋى، سيفرلاندىرۋ جانە اۆتوماتتاندىرۋ، سونداي- اق مۇنايعا سۇرانىستىڭ تومەندەۋى.
«ۋرباندالۋدىڭ الەمدىك ترەندى ءبىزدىڭ ەلدە دە ايقىن كورىنۋدە. 10 جىل ىشىندە قالا حالقىنىڭ ءوسۋ قارقىنى اۋىل حالقىنا قاراعاندا 8 ەسە، ەلدىڭ بارلىق حالىقتىڭ ءوسۋ قارقىنىنان 1,6 ەسە اسىپ ءتۇستى. ۋربانيزاتسيانىڭ دامۋى تەك قيىندىق رەتىندە عانا ەمەس، مۇمكىندىك رەتىندە دە قابىلدانۋى كەرەك. ەكونوميكالىق ەسەپتەۋلەر قالا حالقى سانىنىڭ %1 ءوسۋى ج ءى ءو- ءنىڭ %0,27 ارتۋىنا الىپ كەلەتىنىن كورسەتەدى»، - دەدى الىشەر ءابدىقادىروۆ.
بۇگىنگى تاڭدا قازاقستاندا اگلومەراتسيالار مەن باسقا دا ءىرى قالالاردىڭ وزىق دەموگرافيالىق ءوسۋى ولاردىڭ سەرپىندى ەكونوميكالىق دامۋىمەن قاتار جۇرۋدە. اگلومەراتسيالاردىڭ ءتورت ورتالىعىنىڭ ۇلەسىنە قازىر ەل حالقىنىڭ %22 جانە ەل ج ءى ءو- ءنىڭ %33 تيەسىلى. ال 14 ءىرى قالادا (وبلىس ورتالىقتارى مەن سەمەي ق.) سوڭعى 10 جىلدا حالىق سانى %13,1 كە ءوستى. ولاردىڭ ۇلەسىنە وڭىرلىك ساۋدانىڭ %68، ەلدىڭ ونەركاسىپتىك ءوندىرىسىنىڭ %22,3، نەگىزگى كاپيتالعا ينۆەستيتسيالاردىڭ جالپى رەسپۋبليكالىق كولەمىنىڭ %20,1 تيەسىلى.
بۇل فاكت قالالاردىڭ «ەكونوميكالىق ءوسۋ ورتالىعى» رەتىندەگى ءرولىنىڭ ارتقانىن جانە ولاردىڭ اراسىندا تالانتتار، رەسۋرستار جانە ادامي كاپيتال ءۇشىن باسەكەلەستىكتىڭ كۇشەيگەنىن ايعاقتايدى. ەلدىڭ اۋماقتىق- كەڭىستىكتە دامۋى ەلدىڭ اۋماقتىق تۇتاستىعى، وڭىرلەردىڭ دەربەستىگى، ەكونوميكالىق رەسۋرستاردىڭ شوعىرلانۋى، ەلدىڭ ىشكى جانە سىرتقى بايلانىستىلىعى قاعيداتتارىن ساقتاۋعا، بازالىق ستاندارتتاردى قامتاماسىز ەتۋگە نەگىزدەلمەك. سونداي- اق ەلدىڭ اۋماقتىق دامۋ جوسپارىندا 4 ءتاسىل كوزدەلەدى.
ولار: وڭىرلەردىڭ باسەكەلەستىك ارتىقشىلىعى نەگىزىندە «ءوسۋ نۇكتەلەرىن» دامىتۋ، باسقارىلاتىن ۋرباندالۋ، «ادامدار ينفراقۇرىلىمعا» قاعيداتى بويىنشا اۋىلدىق اۋماقتاردى دامىتۋ، حالىقتىڭ اۋماقتىق بايلانىستىلىعى مەن ۇتقىرلىعىن قامتاماسىز ەتۋ. ولار 11 ورنىقتى دامۋ ماقساتىنىڭ ولشەمدەرى نەگىزىندە انىقتالدى. ءاربىر ءتاسىلدىڭ وزىندىك دامۋ باعىتى بار.
«اۋىلدىق اۋماقتاردى دامىتۋ «اۋىل - ەل بەسىگى» جوباسىندا ايقىندالعان باسىمدىقتار شەڭبەرىندە جالعاستىرىلادى. وڭىرلىك ستاندارتتار جۇيەسى دە جالعاسىن تابادى. جەكەلەگەن ءىرى اۋىلداردى قالا ساناتىنا اۋىستىرۋدا ولاردىڭ مارتەبەسىن قايتا قاراۋ ماڭىزدى باعىت بولماق. ەكونوميكالىق دالىزدەردى دامىتۋ شاراسى ەل اۋماعىنىڭ ەكونوميكالىق بايلانىستىلىعى دەڭگەيىن ارتتىرادى»، - دەدى ۇلتتىق ەكونوميكالىق ۆەدومستۆو ءمينيسترىنىڭ ورىنباسارى.
ءىس- شاراعا ق ر پارلامەنتى ءماجىلىسىنىڭ ەكونوميكالىق رەفورما جانە وڭىرلىك دامۋ كوميتەتىنىڭ ءتوراعاسى البەرت راۋ، ق ر پارلامەنتى ءماجىلىسىنىڭ دەپۋتاتتارى يۋليا كۋچينسكايا مەن ءامىرحان راحىمجانوۆ، «اق جول» پارتياسى ءتوراعاسىنىڭ ورىنباسارى مەرۋەرت قازبەكوۆا جانە «Bank RBK» اق ديرەكتورلار كەڭەسىنىڭ ءتوراعاسى بولات جامىشيەۆ جانە باسقالار قاتىستى. ۇلتتىق ەكونوميكا مينيسترلىگى ەلدىڭ اۋماقتىق- كەڭىستىكتىك دامۋ ساياساتىن كورسەتەتىن ستراتەگيالىق قۇجات بولىپ تابىلاتىن 2025 -جىلعا دەيىنگى اۋماقتىق دامۋ جوسپارىنىڭ جوباسىن ازىرلەپ جاتقانى بەلگىلى.
