بايدەن 2024-جىلى پرەزيدەنت سايلاۋىنا تۇسەتىنىن رەسمي مالىمدەدى
euronews- ءتىڭ جازۋىنشا، بۇعان دەيىن اق ءۇيدىڭ 80 جاستاعى باسشىسى ءوز لاۋازىمى ءۇشىن باسەكەگە ءتۇسۋدى جوسپارلاپ وتىرعانىن بىرنەشە رەت ايتقان بولاتىن. قازىرگى ۋاقىتتا دەموكراتتار لاگەرىندە ونىڭ بىردە-ءبىر سالماقتى قارسىلاسى جوق. وسىعان قاراماستان، ب ا ق- تىڭ حابارلاۋىنشا، مۇددەلەستەر قاتارىندا بايدەننىڭ كانديداتۋراسى اسا شابىتسىز قابىلداندى.
بي-بي-سي- ءدىڭ مالىمەتىنشە، د. بايدەن پرەزيدەنت سايلاۋىنا تۇسەتىنى جونىندە ءۇش مينۋتتىق ۆيدەو جاريالادى. ۆيدەو «ەركىندىك» سوزىمەن باستالادى.
روليكتە بايدەن ابورتقا رۇقسات بەرۋ، دەموكراتيا مەن سايلاۋ قۇقىعىن قورعاۋ، امەريكالىقتارعا الەۋمەتتىك كەپىلدىك بەرۋدى ءوز كامپانياسىنىڭ باسىم باعىتى رەتىندە سانايتىنىن اتاپ ءوتتى.
ا ق ش باسشىسىنىڭ مالىمدەۋىنشە، داۋىس بەرۋشىلەردە كەلەشەك ۇرپاققا «كوبىرەك نە ازىراق ەركىندىك»، «كوبىرەك نە ازىراق قۇقىق» قالدىرۋعا تاڭداۋ بولادى.
«امەريكالىقتاردىڭ ءار ۇرپاعى دەموكراتيانى قورعاۋعا، جەكە باس ەركىندىگى ءۇشىن كۇرەسۋگە، ءسوز بوستاندىعى مەن ازاماتتىق قۇقىق ءۇشىن كۇرەسۋگە تۋرا كەلگەن ءساتتى باستان وتكەردى. وسىنداي ءسات ءبىز ءۇشىن دە تۋىنداپ وتىر»، - دەدى بايدەن.
