كىشى كەننەدي 2024-جىلى ا ق ش پرەزيدەنتتىگىنە سايلاۋعا تۇسۋگە نيەتتى
СNN تەلەارناسىنىڭ مالىمەتىنشە، 69 جاستاعى كەننەدي كىشى دەموكراتيالىق پارتيا اتىنان ۇمىتكەر بولۋعا نيەتتى.
ساياساتكەر - سەناتور روبەرت كەننەديدىڭ (1925-1968) ۇلى جانە امەريكانىڭ بۇرىنعى كوشباسشىسى دجون كەننەديدىڭ (1917-1963) جيەنى. تەلەارنا اتاپ وتكەندەي، كىشى كەننەدي ۆاكسيناتسياعا قارسى پوزيتسيا تانىتۋدا. ول، سونىمەن قاتار ەكولوگيانى قورعاۋ بەلسەندىسى.
كىشى كەننەدي 2024 -جىلى دەموكراتيالىق پارتيا اتىنان پرەزيدەنتتىك سايلاۋعا ءتۇسۋ نيەتىن راستاعان ەكىنشى كانديدات بولدى.
وسى جىلدىڭ ناۋرىز ايىندا دەموكراتيالىق پارتيادان پرەزيدەنتتىككە ۇمىتكەر بولۋ ءۇشىن جازۋشى مارياننا ۋيليامسون دا ءوز كانديداتۋراسىن ۇسىندى. امەريكانىڭ قازىرگى كوشباسشىسى دجو بايدەن قايتا سايلانۋعا ۇمىتتەنەتىنىن اشىق ايتتى. الايدا، ول جاڭا سايلاۋالدى ناۋقان باستالعانىن ءالى جاريالاعان جوق.
اۆتور
زارينا تۋعانبايەۆا
