دجو بايدەن 2024-جىلى سايلاۋعا قاتىساتىنىن مالىمدەدى
ول جۇما كۇنى ABC تەلەارناسىنا بەرگەن سۇحباتىندا وسىنداي مالىمدەمە جاسادى، دەپ حابارلايدى قازاقپارات تاسس اگەنتتىگىنە سىلتەمەمەن.
بايدەننىڭ ايتۋىنشا، ول كەلەسى پرەزيدەنت سايلاۋىنا «قاتىسۋعا نيەتتى».
«الايدا، ناۋقان باستالماس بۇرىن بۇعان دەيىن باستالعان كوپ جۇمىستى اياقتاۋىم كەرەك»، - دەپ اتاپ ءوتتى ول.
80 جاستاعى دەموكراتتىڭ ويىنشا، ونىڭ جاسى سايلاۋعا قاتىسۋ بويىنشا جوسپارىنا اسەر ەتپەيدى.
«ءبىراق، ادامداردىڭ مەنىڭ جاسىم تۋرالى سۇراق قويۋىنا نەگىز بار»، - دەدى ول.
دجو بايدەن مەملەكەت باسشىسى لاۋازىمىنا قايتا سايلانۋعا قاتىسۋ تۋرالى جوسپارىمەن 2022-جىلعى 9- قاراشادا بولىسكەن بولاتىن، الايدا تولىق شەشىمدى وسى جىلدىڭ باسىندا قابىلدايتىنىن ەسكەرتكەن.
ايتا كەتسەك، ا ق ش- تىڭ بۇرىنعى پرەزيدەنتى، رەسپۋبليكالىق دونالد ترامپ 2024-جىلى پرەزيدەنت سايلاۋىنا قاتىسۋعا رەسمي تۇردە ءوتىنىش بەرگەن ەدى. ول سايلاۋ ناۋقانىن باستاپ كەتتى.
وڭتۇستىك كارولينا شتاتىنىڭ بۇرىنعى رەسپۋبليكاشىل گۋبەرناتورى جانە ا ق ش- تىڭ ب ۇ ۇ جانىنداعى تۇراقتى وكىلى بولعان نيككي حەيلي دە 2024-جىلعى پرەزيدەنتتىك سايلاۋعا تۇسۋگە دايىن ەكەنىن مالىمدەدى.
