2024-جىلدان باستاپ پويىزداردا مۇمكىندىگى شەكتەۋلى جاندارعا ارنالعان ۆاگون بولادى
بۇل تۋرالى پارلامەنت ءماجىلىسىنىڭ الەۋمەتتىك-مادەني دامۋ كوميتەتىنىڭ كەڭەيتىلگەن وتىرىسىندا ق ر يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك كاماليەۆ ءمالىم ەتتى.
ي ي د م وكىلىنىڭ اقپاراتىنا سايكەس، كولىك جانە تۇرعىن ءۇي-كوممۋنالدىق شارۋاشىلىق سالاسىندا «كەدەرگىسىز ورتا» قۇرۋ بويىنشا جۇمىس شەڭبەرىندە ۇلتتىق ستاندارت تالاپتارىنا سايكەس ەلىمىزدەگى 300 تەمىرجول ۆوكزالى مەن ستانتسيانىڭ 136 سى مۇمكىندىگى شەكتەۋلى جاندار ءۇشىن بەيىمدەلگەن.
سونىمەن قاتار مۇگەدەكتىگى بار ازاماتتارعا، ونىڭ ىشىندە بالالارعا تەمىرجول كولىگىندە جول ءجۇرۋ قۇنى %50 جەڭىلدىك قاراستىرىلعان، ال «تۇلپار-تالگو» پويىزدارىندا ارنايى ورىندارعا بيلەتتەردى رەسىمدەۋ %70 جەڭىلدىكپەن جۇرگىزىلەدى.
ب. كاماليەۆ مينيسترلىك «اۆتوموبيل كولىگى تۋرالى» ق ر زاڭىنا تۇزەتۋلەر ازىرلەگەنىن اتاپ ءوتتى.
تۇزەتۋلەرگە سايكەس قالالىق مارشرۋتتار بويىنشا قاتىنايتىن جاڭا اۆتوبۋستار مۇمكىندىكتەرى شەكتەۋلى جاندارعا بەيىمدەلۋى ءتيىس دەگەن تالاپ كوزدەلەدى.
قازىرگى ۋاقىتتا ءتيىستى زاڭ جوباسى ق ر پارلامەنتى ءماجىلىسىنىڭ قاراۋىندا.
«رەسپۋبليكا بويىنشا تۇراقتى قالالىق مارشرۋتتاردا 300 گە جۋىق تاسىمالداۋشى جۇمىس ىستەيدى، اۆتوبۋس پاركىندە 10770 كولىك بار. ولاردىڭ 4515 ءى نەمەسە %30 حالىقتىڭ قاۋقارى از توپتارىن تاسىمالداۋعا بەيىمدەلگەن. سونىمەن قاتار وڭىرلەردە جالپى سانى 375 اۆتوكولىگى بار 119 ينۆاتاكسي قىزمەتى جۇمىس ىستەيدى»، - دەدى ۆيتسە-مينيستر.
