فۋتبول: 2024-جىلعى ەۋروپا چەمپيوناتى تۇركيادا ءوتۋى مۇمكىن
«ءبىز ۋ ە ف ا باس حاتشىسىنا - 2004-جىلعى ەۋروپا چەمپيوناتىن وتكىزۋ جونىندە ءوتىنىم بەرگەنىمىزگە قۋانىشتىمىز»، - دەدى تۇركيا فۋتبول فەدەراتسياسىنىڭ پرەزيدەنتى يىلدىرىم دەميرەرەن.
«سونداي-اق مەن فەدەراتسيا ءوز تاريحىندا مەملەكەتتىڭ قولداۋىمەن ۇزدىك ءوتىنىم دايىنداعاندىعىن حابارلاعىم كەلەدى. بارلىعى ەسكەرتۋسىز، قوسىمشا جانە يننوۆاتسيالىق الدىن الا كەپىلدەمەسىز ۇسىنىلىپ وتىر. بۇل تۋرنيردىڭ قارجىلاي تابىسقا جەتۋىن قامتاماسىز ەتپەك جانە ۋ ە ف ا- عا كىرەتىن قاۋىمداستىقتارعا ءسوزسىز پايدا اكەلەتىن بولادى».
ايتا كەتسەك، 2024- جىلعى ەۋروپا چەمپيوناتىن وتكىزۋگە گەرمانيا دا ۇمىتكەر بولىپ وتىر. ەۋروپا چەمپيوناتى بۇل ەلدە ءبىر رەت - 1988-جىلى وتكەن. ال 1974- جانە 2006-جىلدارى الەم چەمپيوناتى بولدى.
تۇركيا 2016-جىلى ەۋروپا چەمپيوناتىن وتكىزۋگە ۇمىتكەر بولعان ەدى. ءبىراق قورىتىندىسىندا فرانسياعا بۇيىردى.
ۋ ە ف ا اتقارۋشى كوميتەتى ەۋروپا 2024 ءتىڭ يەسى بولاتىن ەلگە بايلانىستى شەشىمدى 2018-جىلعى قىركۇيەكتە شىعاراتىن بولادى.
تۋرنيردى وتكىزۋ ءۇشىن بارلىق تالاپقا ساي توعىز نەمەسە ون ستاديون بولۋى ءتيىس. ولاردىڭ ەكەۋى نەمەسە ۇشەۋىنىڭ سىيىمدىلىعى 50 مىڭ ادامنان كەم بولماۋى قاجەت. سونداي-اق ءۇش ستاديون - 40 مىڭدىق، ال تاعى ءتورت ارەنا كەم دەگەندە 30 مىڭ كورەرمەنگە لايىق بولۋى كەرەك.
