2024 -جىلى قوعامدىق قاۋىپسىزدىك تۋرالى جاڭا تۇجىرىمداما ىسكە قوسىلادى

ەلىمىزدە الداعى 5 جىلعا ارنالعان قوعامدىق قاۋىپسىزدىكتى قامتۋ تۋرالى جاڭا تۇجىرىمداما ىسكە قوسىلادى.

тұжырымдама
Фото: ҚазАқпарат

بۇل تۋرالى ىشكى ىستەر ۆيتسە-ءمينيسترى يگور لەپەحا ءمالىم ەتتى، دەپ حابارلايدى قازاقپارات ءتىلشىسى.

«مەملەكەت باسشىسىنىڭ تاپسىرماسى بويىنشا قوعامدىق قاۋىپسىزدىكتى قامتاماسىز ەتۋ تۇجىرىمداماسى ازىرلەندى. ول قازىر كەلىسىم ۇستىندە. اتالعان قۇجات مەملەكەت باسشىسىنىڭ ءتيىستى جارلىعىمەن 5 جىلعا (2024-2028-جىلدار) بەكىتىلەدى. تۇجىرىمدامانىڭ بارلىق مەملەكەتتىك ورگانداردىڭ، ۇكىمەتتىك جانە ۇكىمەتتىك ەمەس ۇيىمداردىڭ كەڭ اۋقىمدى ماسەلەلەرىنىڭ قامتىلۋىمەن مارتەبەسى جوعارى»، - دەدى يگور لەپەحا ءماجىلىستىڭ زاڭناما جانە سوت-قۇقىقتىق رەفورما كوميتەتى ۇيىمداستىرعان جيىندا.

ۆيتسە-ءمينيستردىڭ ايتۋىنشا، تۇجىرىمدامانى ازىرلەۋدە ازاماتتىق قوعام پىكىرى تىڭدالدى.

«ارنايى الەۋمەتتىك ساۋالناما ۇيىمداستىرىلىپ، وعان 10 مىڭنان استام ازامات قاتىستى. بارلىق ۇسىنىستى ەسكەرە وتىرىپ، تۇجىرىمدامانى ىسكە اسىرۋ جونىندەگى ءىس-قيمىل جوسپارى ازىرلەندى. ايتا كەتەتىن جايت، تۇجىرىمدامانىڭ ءبىرىنشى ءبولىمى «ايەلدەر مەن بالالارعا قاتىستى زورلىق-زومبىلىقتىڭ الدىن الۋ جانە جابىرلەنۋشىلەردى كەشەندى قورعاۋ جانە ولارعا كومەك كورسەتۋ جۇيەسىن قۇرۋ» تاقىرىبىنا ارنالعان»، - دەيدى ءمينيستردىڭ ورىنباسارى.

سوڭعى جاڭالىقتار