08:35, 10 - قازان 2016 | GMT +5
الەمدىك 2024- جىلى وتەتىن وليمپيادانىڭ بيۋجەتى 6,2 ميلليارد ەۋرو بولادى
استانا. قازاقپارات - 2024 -جىلى وتەتىن وليمپيادانىڭ بيۋجەتى 6,2 ميلليارد ەۋرو بولادى. حالىقارالىق دەڭگەيدەگى سپورت باسەكەسىن فرانسيا، ۆەنگريا، ا ق ش جانە يتاليا مەملەكەتتەرى وتكىزۋگە قۇلشىنىس تانىتىپ وتىر.
بۇل تۋرالى روسبالت سايتىنا سىلتەمە جاساپ، قازاقپارات حابارلايدى.
ب ا ق وكىلدەرىنىڭ حابارلاۋىنشا، 6 ميلليارد ەۋرو از قارجى ەمەس. الايدا، بۇل سومانى شىعارۋ ءۇشىن پاريج بيلىگى وسىعان دەيىنگى وليمپيادا ويىندارىنىڭ ەسەبىن شىعارعان.
سونىمەن قاتار سوچيدە وتكەن وليمپيادا دا ءسوز بولادى. ول كەزدە وليمپيادا قوزعالىسى تاريحىنداعى رەكوردتىق سوما - 37 ميلليارد ەۋرو قارجى جۇمسالعان. 3- اقپان كۇنى سپورتتىق شارانى وتكىزۋگە ۇمىتكەر مەملەكەتتەر وليمپيادا نىساندارىنىڭ جاعدايىنا جانە بولىنەتىن قارجىنى قالاي جۇمسايتىنىن جونىندەگى مالىمەتتەردى ۇسىنۋلارى كەرەك.
ايتا كەتەيىك، 2024 - جىلى وتەتىن وليمپيادانىڭ وتەتىن جەرى 2017 -جىلدىڭ قىركۇيەك ايىندا حالىقارالىق وليمپيادا كوميتەتىنىڭ 130- سەسسياسىندا بەلگىلى بولادى.
