ءالىمحان ۇلىنىڭ پروموۋتەرى 2023-جىلدىڭ ەڭ مىقتى ايقاسىن ۇيىمداستىرماق

استانا. قازاقپارات - ءبىرىنىشى جارتىلاي ورتا سالماقتا WBO چەمپيونى بريتانيالىق دجوش تەيلور (19-0، 13 ك و) امەريكالىق تەوفيمو لوپەسپەن (18-1، 13 ك و) جەكپە-جەكتە تيتۋلىن قورعاۋعا مىندەتتەلدى، دەپ حابارلايدى BBC.

ازىرگە جەكپە-جەك ۋاقىتى ناقتى بەلگىسىز. بۇل ايقاس مامىر نە ماۋسىم ايى ەدينبۋرگە (شوتلانديا) ءوتۋى ىقتيمال.

WBO تەيلور مەن لوپەستىڭ پروموۋتەرى بوب ارۋمعا كەلىسسوزدى باستاۋ تۋرالى حات جولدادى. ال ارۋمنىڭ ءوزى الەۋمەتتىك جەلىدە بىلاي دەپتى:

«WBO تەيلور مەن لوپەس اراسىندا جەكپە-جەككە تاپسىرىس بەرگەنەن كەيىن، 2023-جىلدىڭ ەڭ مىقتى ايقاسى بولۋى مۇمكىن شارانى ۇيىمداستىرۋعا كىرىسەيىك».