ۇ ب ت 2023-جىلعى قالاي وتەدى
بيىل دا تالاپكەر ۇ ب ت- نى بەس رەت تاپسىرا الادى: قاڭتار، ناۋرىز تامىز ايلارىندا اقىلى نەگىزدە وقۋ ءۇشىن، مامىر-ماۋسىم ايلارىندا وتەتىن نەگىزگى ۇ ب ت- نى ەكى رەت تاپسىرىپ، ەڭ جاقسى ناتيجەمەن گرانت كونكۋرسىنا قاتىسا الادى.
«ۇ ب ت-2023 فورماتىندا وزگەرىستەر جوق. الايدا، «قازاقستان تاريحى» جانە «وقۋ ساۋاتتىلىعى» پاندەرىنىڭ تاپسىرمالار سانى وزگەردى. وسىلايشا، قازاقستان تاريحى – 20، وقۋ ساۋاتتىلىعى – 15، ماتەماتيكالىق ساۋاتتىلىق - 15 جانە ەكى بەيىندىك ءپان بويىنشا 35 تەست سۇراعى ۇسىنىلادى. بارلىعى - 120 تاپسىرما، ەڭ جوعارى ۇپاي - 140. تەستىلەۋدىڭ جالپى ۋاقىتى 4 ساعات (240 مينۋت) بولىپ قالادى. سونداي-اق ەرەكشە ءبىلىم بەرۋ قاجەتتىلىكتەرى بار بالالارعا قوسىمشا 40 مينۋت بەرىلەدى»، - دەدى ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ ورتالىق كوممۋنيكاتسيالار قىزمەتىندە.
سونىمەن قاتار، جاۋاپ نۇسقالارىنىڭ سانى ازايعان. ءبىر دۇرىس جاۋابى بار تەست تاپسىرمالارىندا نۇسقالار سانى 5 تەن 4 كە دەيىن، ءبىر نەمەسە بىرنەشە دۇرىس جاۋابى بار تەست تاپسىرمالارىندا نۇسقالار سانى 8 دەن 6 عا دەيىن ازايعان.
ەڭ باستى جاڭالىقتاردىڭ ءبىرى - 2023-جىلعى قاڭتاردان باستاپ «ينفورماتيكا مۇعالىمدەرىن دايارلاۋ»، «اقپاراتتىق تەحنولوگيالار»، «اقپاراتتىق قاۋىپسىزدىك» ءبىلىم بەرۋ باعدارلامالارىنا تۇسۋشىلەر ۇ ب ت- نى «ماتەماتيكا-ينفورماتيكا» كومبيناتسياسى بويىنشا تاپسىرادى.
«بۇعان دەيىن IT سالاسىنا تۇسۋشىلەر «ماتەماتيكا-فيزيكا» پاندەرىن تاڭدايتىن. تەستىلەۋگە دايىندىقتى جاقسارتۋ ءۇشىن وقۋ جىلىنىڭ باسىندا ينفورماتيكا بويىنشا ۇ ب ت- دا كەزدەسەتىن تەرميندەر ءتىزىمىن جاريالادىق. قازاق تىلىندە تاپسىرۋشىلار ءۇشىن تەرميندەردىڭ ورىسشا جانە اعىلشىنشا، ورىس تىلىندە تاپسىرۋشىلارعا - قازاقشا جانە اعىلشىنشا، اعىلشىنشا تاپسىرۋشىلارعا - قازاقشا-ورىسشا اۋدارماسى ۇسىنىلادى. سونداي-اق، بارلىق تالاپكەرلەرگە كومپيۋتەر ەكراندارىندا كالكۋلياتور، مەندەلەيەۆ جانە ەرىگىشتىك كەستەسى قولجەتىمدى بولادى. تەستىلەۋ ورتالىعى كەستەلەردى قاعاز تۇرىندە دە تاراتادى، وقۋشىلاردىڭ وزدەرىنە اكەلۋگە رۇقسات جوق»، - دەپ ءتۇسىندىردى سپيكەر.
ۇ ب ت- عا دايىندىقتى جاقسارتۋ ماقساتىندا ۇلتتىق تەستىلەۋ ورتالىعى ءوز سايتىندا جانە الەۋمەتتىك جەلىلەرىندە تەست جوسپارىن، ۇ ب ت- دا كەزدەسەتىن قازاقستان تاريحى مەن دۇنيەجۇزى تاريحىنان 100 تاريحي داتانى، ينفورماتيكا پانىنەن تەرميندەر ءتىزىمىن، قازاق ادەبيەتى جانە ورىس ادەبيەتى پاندەرىنەن سۇراقتار كەلەتىن شىعارمالار ءتىزىمىن جاريالادى.
ايتا كەتەيىك، قاڭتار ايىنداعى ۇ ب ت- نى 123 مىڭ ادام تاپسىردى. تەستىلەۋ قورىتىندىسى بويىنشا 102 مىڭعا جۋىق تالاپكەر شەكتى بال (50) جينادى، بۇل قاتىسۋشىلاردىڭ جالپى سانىنىڭ %83 ىن قۇرايدى. ال 21 مىڭنان استامى (%17) شەكتى بال جيناي المادى.
جالپى ۇ ب ت ورتاشا بالى 76 بالدى قۇرادى. ەڭ جوعارى بال – 139، وعان قازاقستان بويىنشا 5 تالاپكەر قول جەتكىزگەن.
سونداي-اق، IELTS سىناعىنان 5.5 جانە 5.0. ۇپاي العان تالاپكەرلەر اعىلشىن تىلىنەن ۇ ب ت تاپسىرماۋى مۇمكىن.
