«سيفرلىق جەر قويناۋى» دەرەكتەر قورى 2023 -جىلى ىسكە قوسىلادى - باعدات مۋسين
«مەملەكەت باسشىسى اتاپ وتكەندەي، سيفرلاندىرۋ بويىنشا كەيبىر سالالاردا كەدەرگىلەر بار، ماسەلەن، گەولوگيالىق بازا، جەر قويناۋىن پايدالانۋشىلارمەن قارىم- قاتىناس، دەنساۋلىق ساقتاۋ سالاسىنداعى قاعازباستىلىق پەن بيۋروكراتيا. وسىعان وراي، مينيسترلىك قۇزىرەتتى مەملەكەتتىك ورگان رەتىندە وسى سالالارداعى ءتيىستى جوبالاردى تەحنيكالىق تۇرعىدان جۇزەگە اسىرۋدى ءوز باسقارۋىنا الادى. جالپى بۇگىن ءۇش جىلدىق كەلىسىمشارت بەكىتۋ مۇمكىندىگىن بەرەتىن زاڭ جوباسىنا قول قويىلدى»، - دەدى ب. مۋسين ۇكىمەت ۇيىندە وتكەن وتىرىستا.
سونداي- اق، ءمينيستردىڭ ايتۋىنشا، جىل سوڭىنا دەيىن اقپاراتتىق جۇيەلەردى قۇرۋ ۋاقىتى 6 ايعا دەيىن قىسقارتىلادى.
«مەملەكەتتىك ورگاندارعا قوسىمشا رەسۋرس بەرەتىن بۇلت ينفراقۇرىلىمى 2023 -جىلدىڭ ورتاسىندا ىسكە قوسىلادى جانە ءاربىر سالا بويىنشا سيفرلىق ستراتەگيا ازىرلەنىپ، بەكىتىلەدى. گەولوگيالىق بازانى قۇرۋ بويىنشا، Kaz-Nedra پلاتفورماسى كونسەپتسياسى ماقۇلدانىپ، بيىلعى مامىر ايىندا ىسكە اسىرۋ تاپسىرىلدى. قازىر 48 بيزنەس- پروتسەستىڭ رەينجينيرينگى جۇرگىزىلىپ، ولاردى بەكىتۋ جۇمىسى سالالىق مەملەكەتتىك ورگانداردا پىسىقتالىپ جاتىر. تەحنيكالىق تۇرعىدان ىسكە اسىرۋدى ءوز قولىمىزعا الىپ، ءبىرقاتار مودۋلدەردى، ونىڭ ىشىندە جەكە كابينەت، ينتەراكتيۆتى كارتا، ليتسەنزيالارعا تاپسىرىس بەرۋ جانە ت. ب. قىزمەتتەر جىل سوڭىنا دەيىن قولجەتىمدى بولادى. ال «سيفرلىق جەر قويناۋى» دەرەكتەر قورى 2023 -جىلدىڭ ءبىرىنشى جارتىجىلدىعىندا ىسكە قوسىلادى»، - دەپ ءتۇسىندىردى باعدات مۋسين.
كەشە پرەزيدەنت قاسىم- جومارت توقايەۆ سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسيننىڭ ۇلتتىق دەرەكتەر بانكىن قۇرۋ باعىتىنداعى جۇمىسىنا قاناعاتتانبايتىنىن ايتىپ، ەسكەرتۋ جاساعان ەدى.
