قازاقستاندا «ەۋروپالىق وداق - ورتالىق ازيا» فورۋمى 2023-جىلى ءوتۋى مۇمكىن
بىشكەك. قازاقپارات - ورتالىق ازياعا ەۋروپالىق ينۆەستيتسيالاردى تارتۋ جانە قۇرىلىمداۋ ءۇشىن «استانا» حالىقارالىق قارجى ورتالىعىنىڭ الاڭى ماڭىزدى ءرول اتقارا الادى.
بۇل تۋرالى بىشكەكتە «ەۋروپالىق وداق - ورتالىق ازيا» ەكونوميكالىق فورۋمىندا ق ر پرەمەر-ءمينيسترى اسقار مامين ايتتى، دەپ حابارلايدى قازاقپارات ءتىلشىسى.
«بۇگىنگى فورۋمداعى مۇمكىندىكتى پايدالانا وتىرىپ، «ەۋروپالىق وداق - ورتالىق ازيا» ەكونوميكالىق فورۋمىنىڭ 2023-جىلى قازاقستاندى قابىلداۋشى تاراپ رەتىندە ۇسىنباقپىن»، - دەدى اسقار مامين.
ۇكىمەت باسشىسى ورتالىق ازياعا ەۋروپالىق ينۆەستيتسيالاردى تارتۋ جانە قۇرىلىمداۋ ءۇشىن قازىرگى ۋاقىتتا ە و- دان 70 كە جۋىق كومپانيا قولايلى سالىقتىق، ۆيزالىق جانە ەڭبەك رەجيمىندە جۇمىس ىستەيتىن «استانا» حالىقارالىق قارجى ورتالىعىنىڭ الاڭىن ۇسىندى.
پرەمەر- مينيستر «ورتالىق ازيا - ە و» ىسكەرلىك كەڭەسىن قۇرۋ باستاماسىن كوتەردى. وعان ەكى ءوڭىردىڭ ەكونوميكالىق بلوكتارىنىڭ مينيسترلەرى، بيزنەس باسشىلارى، سونداي-اق قارجى ينستيتۋتتارىنىڭ، ساۋدا جانە ونەركاسىپ پالاتالارىنىڭ وكىلدەرى قاتىسادى. بۇدان بۇرىن حابارلانعانداي، بۇگىن بىشكەكتە پرەمەر-مينيسترلەر دەڭگەيىندە «ەۋروپالىق وداق - ورتالىق ازيا» ەكونوميكالىق فورۋمى باستالدى .
اسقار مامين سوڭعى 10 جىلدا ەۋروپالىق وداققا مۇشە ەلدەر وڭىرگە 110 ميلليارد ەۋرودان استام ينۆەستيتسيا سالعانىن جەتكىزدى.
ۇكىمەت باسشىسى ورتالىق ازيا مەن ەۋرووداق ەلدەرىن ەكونوميكانى دامىتۋ ءىسىن كۇشەيتۋگە شاقىردى.
بۇگىن بىشكەكتە ق ر ۇكىمەت باسشىسى اسقار مامين ەۋروپالىق كوميسسيانىڭ ۆيتسە-پرەزيدەنتى ۆالديس دومبروۆسكيسپەن كەزدەستى.
