وزبەكستانداعى مەملەكەتتىك ءىس قاعازدارىن جۇرگىزۋ 2023-جىلدان باستاپ لاتىن الىپبيىنە كوشەدى
بۇل تۋرالى قازاقپارات ءو ز ا اگەتتىگىنە سىلتەمە جاساپ حابارلايدى.
2023-جىلدىڭ 1- قاڭتارىنان باستاپ وزبەكستانداعى بارلىق ۇيىمدار مەن مەكەمەلەردەگى ءىس قاعازدارىن جۇرگىزۋ لاتىن گرافيكاسىنا نەگىزدەلگەن وزبەك الفاۆيتىنە كوشەدى.
2021-جىلى 10- اقپاندا وزبەكستان مينيسترلەر كابينەتى «لاتىن گرافيكاسىنا نەگىزدەلگەن وزبەك الفاۆيتىنە تولىق كوشۋدى قامتاماسىز ەتۋ شارالارى تۋرالى» 61№-ساندى قاۋلى قابىلدادى.
قاۋلى تۋرالى تولىق اقپاراتتى اگەنتتىك جاريالادى. قاۋلى ماتىنە سايكەس، وزبەك ءتىلى الفاۆيتى مەن ەملە ەرەجەلەرى نەگىزىندە ترانسليتەراتسياعا ارنالعان اقپاراتتىق باعدارلامالىق جاساقتامانىڭ ءبىرىڭعاي تالابى ازىرلەنەدى (مەرزىمى - 2022ج. قاڭتار)، سونىمەن قاتار وقۋ ورىندارىنا ارنالعان وقۋلىقتار مەن باسقا دا ادەبيەتتەر لاتىن گرافيكاسىنا نەگىزدەلگەن وزبەك الفاۆيتىنە كەزەڭ-كەزەڭىمەن باسپادان شىعارىلاتىن بولادى.
