قىتاي 2023-جىلى عارىشقا 60 تان استام كەمە ۇشىرادى

None
بەيجىڭ. قازاقپارات - قىتاي 2023-جىلى عارىشقا 60 تان استام ۇشىرىلىم جاساپ، ۇلتتىق عارىش تاريحىنداعى رەكوردىن جاڭارتپاق، دەپ حابارلايدى قازاقپارات مەنشىكتى ءتىلشىسى «شينحۋا» اگەنتتىگىنە سىلتەمە جاساپ.

اتاپ ايتقاندا، قىتاي اەروعارىش عىلىمى جانە تەحنولوگيالار كورپوراتسياسى 50 دەن استام عارىش ۇشىرىلىمىن جۇرگىزەدى. سونىمەن قاتار، قىتاي اەروعارىش عىلىمى جانە ونەركاسىپ كورپوراتسياسىن قوسا العاندا، وزگە كاسىپورىندار جانە 10 نان استام ۇشىرىلىمدى جۇزەگە اسىرادى.

2023-جىلى ءبىرىنشى ۇشىرىلىمدى «چانچجەن-6ۆ» زىمىران تاسىعىشى - ەكولوگيالىق تازا وتىنمەن قوزعالاتىن ءۇش ساتىلى «چانچجەن-6» موديفيكاتسياسى جۇزەگە اسىرادى.

جىلدىڭ ءبىرىنشى جارتىسىندا «ZK-1 Y2» موديفيكاتسياسىنداعى قۋاتتى قاتتى وتىندى زىمىران تاسىعىشتىڭ دەبيۋتتىك ۇشىرىلۋى كۇتىلىپ وتىر.

2023-جىلعا ارنالعان جوسپارعا سايكەس، قىتايدىڭ ءبىرىنشى وربيتالىق عارىش ستانتسياسىنا تايكوناۆتار مەن جۇكتەردى جەتكىزۋ ءۇشىن «چانچجەن» ءار ءتۇرلى موديفيكاتسياسىنداعى زىمىران تاسىعىشتار قولدانىلا بەرمەك.

سونىمەن قاتار، اي مەن مارستى زەرتتەۋ جوبالارى اياسىندا قىتاي كەلەسى ۇرپاق زوندتارىن ازىرلەۋ جۇمىستارىن جالعاستىرادى. ايدىڭ وڭتۇستىك پوليۋسىندە سۋ ىزدەۋ ءۇشىن «چانە-7» اي زوندىن ىسكە قوسۋ جوسپارلانعان.

سوڭعى جاڭالىقتار