ەل ەكونوميكاسى 2023-جىلى 4 پايىزعا وسەدى
«بولجام 2021-جىلى ەكونوميكانىڭ ءوسۋى بويىنشا قورىتىندى دەرەكتەر، حالىقارالىق قارجى ۇيىمدارىنىڭ الەمدىك ەكونوميكانىڭ ءوسۋى مەن ەكسپورتتىق تاۋارلار باعاسى بويىنشا كۇتۋلەرى ەسكەرىلە وتىرىپ قالىپتاستىرىلدى. وسىلايشا، حالىقارالىق قارجى ۇيىمدارىنىڭ كونسەنسۋس- بولجامىنا سايكەس، 2022-جىلى مۇنايدىڭ الەمدىك باعاسى باررەلىنە 104,2 ا ق ش دوللارى دەڭگەيىندە كۇتىلۋدە. 2023-جىلى الەمدىك ەكونوميكانىڭ ءوسۋى 3 پايىزدى قۇرايدى»، - دەدى ۆيتسە-مينيستر.
ونىڭ اتاپ وتۋىنشە، سىرتقى جانە ىشكى پارامەترلەردىڭ وزگەرۋىنە بايلانىستى قازاقستان ەكونوميكاسىن دامىتۋدىڭ 2023-2027-جىلدارعا ارنالعان بازالىق، وپتيميستىك جانە پەسسيميستىك سەناريلەرى ازىرلەندى. بازالىق سەناري كەزىندە مۇنايدىڭ ورتاشا باعاسىن باررەلىنە 85 دوللار دەڭگەيىندە پايدالانۋ ۇسىنىلادى. وسى سەناري بويىنشا جالپى ىشكى ءونىمنىڭ ورتاشا جىلدىق ناقتى ءوسۋى 3,9 پايىزدى قۇرايدى. ينفلياتسيا 2023-جىلى 7,5-9,5 پايىز دەڭگەيىندە، كەيىننەن 2025-2027-جىلدارى 3-4 پايىزعا دەيىن تومەندەۋمەن 2024-جىلى 4-5 پايىز دەڭگەيىندە بەلگىلەندى.
«وسى سەناريگە سايكەس ج ءى ءو- ءنىڭ ناقتى ءوسۋى 2023-جىلعى 4 پايىزدان 2027-جىلى 4,2 پايىزعا دەيىن جەدەلدەيدى. اتاۋلى ج ءى ءو 120,7 تريلليون تەڭگەدەن 176 تريلليون تەڭگەگە دەيىن وسەدى. ەكونوميكانىڭ بارلىق بازالىق سالالارىندا وڭ ءوسۋ كۇتىلۋدە. ماسەلەن، ونەركاسىپتە ورتاشا جىلدىق ءوسۋ قارقىنى 3,1 پايىزدى، ونىڭ ىشىندە وڭدەۋ ونەركاسىبىندە - 3,5, تاۋ-كەن ءوندىرۋ ونەركاسىبىندە 2,9 پايىزدى قۇرايدى. اۋىل شارۋاشىلىعىنىڭ جالپى ءونىمى كولەمىنىڭ ورتاشا جىلدىق ءوسۋى 3,9 پايىز بولادى. قۇرىلىس سالاسىنىڭ بولجامدى ءوسۋى ورتا ەسەپپەن - 3,8، ساۋدا 5,7 پايىزدى قۇرايدى»، - دەدى ازامات ءامرين.
ۆيتسە-ءمينيستردىڭ ايتۋىنشا، مۇناي ءوندىرۋ 2023-جىلى 92,6 ميلليون توننانى قۇراپ، 2027 -جىلى 99,9 ميلليون تونناعا دەيىن ۇلعايادى.
«ۇلتتىق بانكتىڭ بولجامى بويىنشا ەكسپورت 80,9 ميلليارد ا ق ش دوللارىنان 84,6 ميلليارد ا ق ش دوللارىنا دەيىن، يمپورت 45,7 ميلليارد ا ق ش دوللارىنان 53,5 ميلليارد ا ق ش دوللارىنا دەيىن وسەدى»، - دەدى ول.
