مەسسي 2022-جىلدىڭ قورىتىندىسى بويىنشا الەمدەگى ۇزدىك فۋتبولشى اتاندى

None
استانا. قازاقپارات - ارگەنتينا قۇراماسى مەن «پ س ج» كلۋبىنىڭ شابۋىلشىسى ليونەل مەسسي 2022-جىلدىڭ قورىتىندىسى بويىنشا الەمنىڭ ۇزدىك فۋتبولشىسى اتاندى، دەپ حابارلايدى قازاقپارات ءتىلشىسى.

Championat.com سايتىنان الىنعان دەرەككە قاراعاندا، حالىقارالىق فۋتبول تاريحى جانە ستاتيستيكاسى فەدەراتسياسى (IFFHS) ۇزدىكتەر ەسىمىن جاريا ەتتى.

مەسسي داۋىس بەرۋدىڭ قورىتىندىسى بويىنشا 275 ۇپاي جينادى. ول «پ س ج» مەن فرانسيا قۇراماسىنىڭ شابۋىلشىسى كيليان مباپپەدەن الدەقايدا العا كەتتى. مباپپەنىڭ ەسەبىندە 35 ۇپاي عانا بار. «رەال» مەن فرانسيا قۇراماسىنىڭ تاعى ءبىر شابۋىلشىسى كاريم بەنزەما (30 ۇپاي) ۇزدىك ۇشتىكتى تۇيىندەدى. سونداي-اق «رەالدىڭ» جارتىلاي قورعاۋشىسى، حورۆاتيالىق لۋكا مودريچ (15) پەن «مانچەستەر سيتيدىڭ» شابۋىلشىسى، نورۆەگيالىق ەرلينگ حولاند (5) توپ-5 كە ەندى.

ليونەل مەسسي الەم چەمپيوناتىنان كەيىن ءوزىنىڭ كلۋبى «پ س ج» كومانداسىنا قايتا ورالدى.

ەسكە سالا كەتەيىك، بۇدان بۇرىن كريشتيانۋ رونالدۋدىڭ فۋتبول تاريحىنداعى ەڭ ۇزدىك سۇرمەرگەن اتانعانىن جازعان بولاتىنبىز.

سوڭعى جاڭالىقتار