قازاقستان قۇراماسى جاعاجاي فۋتبولىنان ەۋروليگا-2022 تۋرنيرىن ءىرى جەڭىسپەن باستادى
قازاقستان فۋتبول فەدەراتسياسىنان ءمالىم ەتكەنىندەي، جارىس مولدوۆا استاناسى كيشينيەۆتە ءوتىپ جاتىر.
قازاقستاندىقتار «ب» ديۆيزيونىندا «س» توبىندا نورۆەگيا، گرۋزيا جانە گرەكيا قۇرامالارىمەن بىرگە ونەر كورسەتەدى.
العاشقى كەزدەسۋىندە قازاقستان قۇراماسى نورۆەگيانى 7:3 ەسەبىمەن ويسىراتا ۇتتى.
بولات الەنوۆ جاتتىقتىراتىن قازاقستاندىق جاعاجاي فۋتبولى شەبەرلەرى كەلەسى ماتچىن 28- شىلدە كۇنى گرۋزيامەن وتكىزەدى.
ويىن ەلوردا ۋاقىتىمەن ساعات 15:00 دە باستالادى.
ەۋروليگا-2022 الداعى جىلى كراكوۆتا (پولشا) وتەتىن ەۋروپا ويىندارىنىڭ ىرىكتەۋ سايىسى رەتىندە ۇيىمداستىرىلىپ وتىر.
ەۋروپا ويىندارىنا الاڭ قوجايىنى رەتىندە پولشا، ەۋروليگا-2022 سۋپەرفينالىنىڭ التى ۇزدىك قۇراماسى جانە «ۆ» ديۆيزيونىنان ءبىر وزىق كوماندا قاتىسادى.
«ۆ» ديۆيزيونىنىڭ ءتورت ۇزدىك قۇراماسى الداعى جىلى «ا» ديۆيزيونىنا اۋىسىپ، 16 كوماندا قاتارىندا ونەر كورسەتەدى.
