قىسقى پاراليمپيادا-2022: قازاقستاندىق سپورتشىلاردىڭ العاشقى جارىس كۇنىندەگى ناتيجەسى قانداي - فوتو

نۇر-سۇلتان. قازاقپارات - بەيجىڭدە باستالعان 2022 -جىلعى پاراليمپيادا ويىندارىنىڭ العاشقى كۇنىندەگى قازاقستاندىق سپورتشىلاردىڭ ناتيجەسى بەلگىلى بولدى، دەپ حابارلايدى قازاقپارات ءتىلشىسى.

ەل قۇراماسىنان سىرعاناۋدان سپرينتەرلىك باسەكەدە سەرگەي ۋسولسەۆ 15-ورىندى مىسە تۇتتى. ونىڭ جەڭىمپازدان قالىپ قويعان كورسەتكىشى - 3:09.4. ال ەربول حاميتوۆ 16-ورىن الدى. كورسەتكىشى - 3:29.1+. ودان كەيىن الەكساندر گەرليتس بياتلوننان تۇرەگەپ جارىسۋ سايىسىندا جارىستى سەگىزىنشى ورىنمەن اياقتادى.

ەسكە سالساق، XIII قىسقى پاراليمپيادا ويىندارىندا قازاقستان نامىسىن سەرگەي ۋسولسەۆ، الەكساندر گەرليتس، ەربول حاميتوۆ، دەنيس پەترەنكو مەن يۋري بەرەزين قورعايدى.

ايتا كەتەيىك، قازاقستان سپورتشىلارى پاراليمپيادا ويىندارىنا 1994 -جىلدان بەرى تۇراقتى تۇردە قاتىسىپ كەلەدى.