بەيجىڭ-2022: كەشە ەكى مەملەكەت التىن مەدال سانى بويىنشا تەڭ ءتۇستى

بەيجىڭ. قازاقپارات - قىتاي استاناسى بەيجىڭ قالاسىندا ءوتىپ جاتقان اق وليمپيادا ويىندارىندا جالپى مەدال كەستەسىندە كوشباسشىلاردىڭ ورنى اۋىستى، دەپ حابارلايدى قازاقپارات ءتىلشىسى.

كەشە بەيجىڭدەگى اق وليمپيا ويىندارى سەگىزىنشى كۇنىن ارتقا تاستادى. كۇن وتكەن سايىن قىسقى ويىنداردىڭ قىزىعى ارتا ءتۇستى.

كەشە جالپى مەدال كەستەسىندە ءۇش كۇن قاتارىنان كوش باسىندا كەلە جاتقان گەرمانيا مەن نورۆەگيانىڭ التىن مەدالدارى تەڭەستى. دەسە دە نەمىس اتلەتتەرى كۇمىس مەدال جاعىنان الدا كەلە جاتىر.

ال ۇزدىك ءۇشىنشى ورىنعا 6-شى ورىندا تۇرعان ا ق ش قۇراماسى كوتەرىلدى.

مەدال كورسەتكىشىمەن ۇزدىك وندىقتا تۇرعان ەلدەر:

1. گەرمانيا - 8 التىن، 5 كۇمىس، 1 قولا

2. نورۆەگيا - 8 التىن، 3 كۇمىس، 6 قولا

3. ا ق ش - 5 التىن، 5 كۇمىس، 1 قولا

4. نيدەرلاند - 5 التىن، 4 كۇمىس، 2 قولا

5. شۆەتسيا - 5 التىن، 2 كۇمىس، 3 قولا

6. اۆستريا - 4 التىن، 6 كۇمىس، 4 قولا

7. قىتاي - 4 التىن، 3 كۇمىس، 1 قولا

8. رەسەي - 3 التىن، 4 كۇمىس، 6 قولا

9. يتاليا - 2 التىن، 5 كۇمىس، 4 قولا

10. جاپونيا - 2 التىن، 3 كۇمىس، 5 قولا

ايتا كەتەيىك، ءدال بۇگىنگە دەيىن وليمپيادا مەدالىنە قول جەتكىزگەن ەلدەر قاتارى 26 عا جەتتى. ونىڭ ىشىندە 19 مەملەكەتتىڭ قورجىنىندا التىن مەدال بولسا، 22 مەملەكەتتە كۇمىس جۇلدە بار. سونداي-اق، ءتورت ەل قولا مەدالگە قول جەتكىزگەن.

وكىنىشكە قاراي قازاقستان قورجىنى ازىرگە بوس. ەندىگى ءۇمىت بۇگىنگى جارىس جولىنا شىعاتىن سپورتشىلارىمىزدىڭ ەنشىسىندە ەكەنىن ايتا كەتەيىك. بۇگىن، ياعني 13- اقپاندا قازاقستاندىقتار سپورتتىڭ 5 تۇرىنەن باق سىنايدى.

اۆتور: كۇنسۇلتان وتارباي