وليمپيادا-2022: جاڭا رەكوردتار ورناتىلدى

نۇر- سۇلتان. قازاقپارات - امەريكالىق مانەرلەپ سىرعاناۋشى نەيتان چەن بەيجىڭ وليمپياداسىنداعى قىسقا باعدارلامادا جاڭا الەمدىك رەكورد ورناتتى.

سپورتشى بۇل باعدارلامادا 113,97 ۇپاي جيناعان. بۇعان دەيىنگى رەكوردتى 2020 -جىلى وتكەن ءتورت قۇرلىق تۋرنيرىندە جاپوندىق مانەرلەپ سىرعاناۋشى يۋدزۋرۋ حانيۋ (111,82 ۇپاي) ورناتقان بولاتىن. بۇل تۋرالى قازاقپارات BBC اقپارات اگەنتتىگىنە سىلتەمە جاساپ حابارلايدى.

ەندى 10-اقپاندا نەيتان چەن ەركىن باعدارلاماسىن كورسەتەدى. قىسقى وليمپيادادا تاعى ءبىر رەكوردتى ەرلەر اراسىندا 1500 مەترگە جۇگىرۋدەن گولاندىق كەلد نۋيس ورناتىپ، تاعى ءبىر مارتە چەمپيوندىق اتاعىن ساقتاپ قالدى. نۋيز بۇل قاشىقتىقتى ءبىر مينۋت 43,21 سەكۋندتا باعىندىرىپ، وليمپيادا رەكوردىن جاڭارتتى.

«سەنە الار ەمەسپىن. بۇل مەنىڭ ارمانىم بولعان، ءبىراق ءتورت جىل بۇرىنعىداي سەنىمدى ەمەس ەدىم»، - دەدى ول تىلشىلەرگە.

كەلد نۋيس - 28 جىل ىشىندە ەرلەر اراسىندا 1500 مەترگە جۇگىرۋدەن وليمپيادانىڭ بارلىق تيتۋلدارىن جەڭىپ العان العاشقى، ال تاريحتاعى ءتورتىنشى سپورتشى.

ەسكە سالساق، وليمپيادا ويىندارىنىڭ ءتورتىنشى كۇنگى قورىتىندىسى بويىنشا شۆەتسيا 3 التىن مەدالمەن كوش باستاپ كەلەدى.