بەيجىڭ-2022: جالپى مەدالدار كەستەسىندە شۆەتسيا كوش باستاپ تۇر

بەيجىڭ. قازاقپارات - قىتاي استاناسى بەيجىڭ قالاسىندا ءوتىپ جاتقان اق وليمپيادا ويىندارىندا كۇن ساناپ مەدالعا تالاس قىزا تۇسۋدە، دەپ حابارلايدى قازاقپارات ءتىلشىسى.

بۇگىن بەيجىڭ وليمپيادا ويىندارىنىڭ رەسمي باستالعانىنا تۋرا ءتورت كۇن بولدى.

وسى ارالىقتا بۇگىنگى كۇننىڭ قورىتىندىسى بويىنشا جارىسقا قاتىسۋشى 91 مەملەكەتتەن 22 ەل ءتورتجىلدىق دودانىڭ جۇلدەلەرىن قانجىعالارىنا بايلاپ ۇلگەردى.

شۆەتسيا كەشە، ياعني 7- اقپاندا 3 التىن مەدالمەن كوش باستاسا، بۇگىن مەدالدار سانىن تاعى 1 التىن، 1 كۇمىس، 1 قولا مەدالعا تولىقتىرىپ سول بيىگىنەن قۇلاعان جوق. ال كەشە عانا جالپى ەسەپتە ەكىنشى ورىندا تۇرعان رەسەي قۇراماسى بۇگىن ورنىن نيدەرلاندى قۇراماسىنا بەرىپ، وزدەرى 7-ورىنعا سىرعىپ كەتتى. سونداي-اق، بۇگىن ۇزدىك ءۇشىنشى ورىنعا جالپى ەسەپتە وليمپيادا ويىندارىن ۇيىمداستىرىپ جاتقان الاڭ يەلەرى كوتەرىلدى.

مەدالدار كورسەتكىشىمەن ۇزدىك وندىقتا تۇرعان ەلدەر:

1. شۆەتسيا - 3 التىن، 1 كۇمىس، 1 قولا

2. نيدەرلاند - 3 التىن، 3 كۇمىس، 1 قولا

3. قىتاي - 3 التىن، 2 كۇمىس

4. گەرمانيا - 3 التىن، 2 كۇمىس

5. نورۆەگيا - 3 التىن، 1 كۇمىس، 4 قولا

6. يتاليا - 2 التىن، 4 كۇمىس، 1 قولا

7. رەسەي - 2 التىن، 3 كۇمىس، 5 قولا

8. اۆستريا - 2 التىن، 3 كۇمىس، 2 قولا

9. سلوۆەنيا - 2 التىن، 1 كۇمىس، 2 قولا

10. فرانسيا - 1 التىن، 4 كۇمىس.

ايتا كەتەيىك، ءدال بۇگىنگە دەيىن جالپى 22 مەملەكەتتىڭ سپورتشىلارى بەيجىڭ وليمپياداسىنىڭ مەدالىن جەڭىپ الىپ، مەرەيى ۇستەپ بولدى. وكىنىشكە قاراي قازاقستاندىق سپورتشىلار ءالى كۇنگە ءبىر مەدالعا قول جەتكىزە الماي كەلەدى.

اۆتور: كۇنسۇلتان وتارباي