بەيجىڭ-2022: مەدالدار كەستەسىندە كوشباسشىلار الماستى

بەيجىڭ. قازاقپارات - قىتاي استاناسى بەيجىڭ قالاسىندا ءوتىپ جاتقان اق وليمپيادا ويىندارى كۇن وتكەن سايىن قىزا تۇسۋدە. جالپى مەدالدار كەستەسى ءسات ساناپ وزگەرۋدە، دەپ حابارلايدى قازاقپارات ءتىلشىسى.

وليمپيادا ويىندارى رەسمي اشىلعان 4- اقپاننان بەرى جالپى مەدالدار كەستەسىندە كوش باستاپ كەلە جاتقان نورۆەگيا بۇگىن 1-ورىننان 6-ورىنعا سىرعىدى.

كەشە عانا، ياعني 6- اقپاننىڭ قورىتىندىسىندا ەكىنشى ورىنعا جايعاسقان شۆەتسيا بۇگىن 3 التىن مەدالمەن جەكە دارا كوش باسىنا شىقتى.

وسىدان ءبىر كۇن بۇرىن ەكىنشى ورىندا تۇرعان رەسەيلىكتەر بۇگىن دە سول بيىكتەرىنەن قۇلاعان جوق. ولاردىڭ ەنشىسىندە 2 التىن، 3 كۇمىس، 2 قولا مەدال بار. ۇزدىك ۇشتىكتى 2 التىن، 2 كۇمىس، 1 قولا مەدال جەڭىپ العان نيدەرلاند قۇراماسى تۇيىندەپ تۇر.

ۇزدىك وندىققا ەنىپ وتىرعان مەملەكەتتەر:

1. شۆەتسيا - 3 التىن

2. رەسەي - 2 التىن، 3 كۇمىس، 2 قولا

3. نيدەرلاند - 2 التىن، 2 كۇمىس، 1 قولا

4. قىتاي - 2 التىن، 2 كۇمىس

5. گەرمانيا - 2 التىن، 1 كۇمىس

6. نورۆەگيا - 2 التىن، 2 قولا

7. سلوۆەنيا - 2 التىن، 1 قولا

8. يتاليا - 1 التىن، 3 كۇمىس، 1 قولا

9. كانادا - 1 التىن، 1 كۇمىس، 4 قولا

10. جاپونيا - 1 التىن، 1 كۇمىس، 2 قولا.

ايتا كەتەيىك، ءدال بۇگىنگە دەيىن جالپى 19 مەملەكەتتىڭ سپورتشىلارى بەيجىڭ وليمپياداسىنىڭ مەدالىن جەڭىپ الىپ، مەرەيى ۇستەپ بولدى.

وكىنىشكە قاراي قازاقستاندىق سپورتشىلاردان ءالى ەشكىم جۇلدەلى ورىندارعا قول جەتكىزە العان جوق.

اۆتور: كۇنسۇلتان وتارباي